ក្លិបយក្សបារាំង Paris Saint-Germain និង Inter Milan ត្រូវគេរាយការណ៍ថា កំពុងតែចាប់អារម្មណ៍យ៉ាងខ្លាំង ដោយសម្លឹងមើលមិនដាក់ភ្នែក លើខ្សែបម្រើ Liverpool កីឡាករ Georginio Wijnaldum សម្រាប់កុងត្រាថ្មី។
កីឡាករសញ្ជាតិហូឡង់វ័យ ៣០ឆ្នាំរូបនេះ គឺជាផ្នែកដ៏សំខាន់មួយរបស់ក្រុមលោក Klopp ចាប់តាំងពីគេបានផ្ទេរមកកាន់ទឹកដី Anfield ពីក្រុម Newcastle កាលពីឆ្នាំ ២០១៦។ បច្ចុប្បន្ន Wijnaldum កំពុងក្លាយជាប្រធានបទក្តៅគគុកមួយ នាពេលថ្មីៗនេះ ដោយសារតែកិច្ចសន្យាបច្ចុប្បន្នរបស់គាត់ ជាមួយហង្សក្រហម នឹងត្រូវផុតកំណត់នៅខែមិថុនា ខាងមុខនេះហើយ។
តែទោះយ៉ាងណាទាំង PSG និងInter ក៏កំពុងបង្ហាញការចាប់អារម្មណ៍យ៉ាងខ្លាំង ក្នុងការទាញយក Wijnaldum មកកាន់ក្លិបពួកគេ ដោយគ្មានតម្លៃខ្លួន នៅចុងបញ្ចប់រដូវកាលនេះផងដែរ បន្ទាប់ពីឱកាសនៃការចុះកុងត្រាថ្មីនៅឯទឹកដី Anfield ហាក់ដូចមិនទំនង នឹងអាចកើតឡើងនោះទេ៕
