ភ្នំពេញ៖ ផ្តើមចេញពីរឿងបញ្ហាចម្រៀងចម្លង រវាងម្ចាស់បទម៉េង កែវពេជ្ជតា និង នាង អូ រស្មី ក៏ស្រាប់តែធ្វើឲ្យអ្នកធ្វើភ្លេងក្តៅស្លឹកត្រចៀក រហូតដល់ដៀល ម៉េង កែវពេជ្ជតា ថាជាកញ្ចេះគេ ផងដែរ ។
មុនការ Live និងបុរសឈ្មោះហៅក្រៅ«ប្រុស» ខលចូលជេរនិងដៀល អ្នកនាងម៉េង កែវពេជ្ជតា បានសរសេរថា «គាត់និយាយថា ( ទម្លាប់ខ្ញុំចម្លងបទចម្រៀងពីនរណាមិនដែលដាក់ឈ្មោះម្ចាស់ដើមទេ ។ គ្រាន់តែប៉ុណ្ណឹងសោះ បងឯងចាំបាច់ទៅ Live និយាយដល់ឈ្មោះអីណា .. ) ។
នេះជាសម្តីមិនទទួលខុសត្រូវរបស់ លោកឈ្មោះ ( ប្រុស ) អ្នកយកបទចម្រៀងរបស់ខ្ញុំ និងបទចម្រៀងអ្នកផ្សេងៗទៀតមកថតសម្លេងថ្មី និងតម្លើងបទចម្រៀងបង្ហោះក្នុងយូធូប YouTub អោយនាង រស្មី ដោយមិនដាក់ឈ្មោះម្ចាស់ដើម ! នៅមានសម្តីច្រងេងច្រងាងច្រើនជាងនេះទៀត ។ បើតែបែបនេះ តើអោយសិល្បៈមានតម្លៃយ៉ាងម៉េចទៅ ? តើអោយខ្ញុំស្ងៀមយ៉ាងម៉េច ? សូមបងប្អូនពិចារណាតាមការគួរ ។ »
ដោយឡែកនៅរាត្រីយប់មិញនេះ ពោលគឺយប់ថ្ងៃទី៦ ខែសីហា ឆ្នាំ២០២០ កៀកឈានដល់ថ្ងៃទី ៧ ខែសីហា អ្នកនាងម៉េង កែវពេជ្ជតា បានឡាយវីដេអូនៅលើបណ្តាញសង្គមពាក់ព័ន្ធនឹង ករណីយកបទចម្រៀងរបស់អ្នកស្រី យកទៅច្រៀង ហើយមិនបានដាក់ប្រភពដើម និងសុំការអនុញ្ញាតិ ។
ការឈ្លោះគ្នាបែកផ្សែង ខណៈដែលម៉ែង កែវពេជ្ជតា កំពុងឡាយតាម FB ហើយបុរសម្នាក់នោះខលមក រហូតដល់មានពាក្យផ្លែៗ ធ្ងន់រហូតដល់ ជេរម៉ែថែមទៀតផង ក្នុងការឡាយផ្ទាល់ ដែលមានមហាជនកំពុងទស្សនា។
ពាក្យព័ន្ធនឹងករណីនេះ អ្នកនាងម៉េង កែវពេជ្ជតា ក៏បានប្រកាសជាសាធារណៈក្នុងការឡាយនេះថា នឹងពាក្យបណ្តឹងទៅកាន់បុរស Sodarin Chhun ដែលអ្នកធ្វើបទភ្លេង ឲ្យអូ រស្មី៕
ទស្សនាវីដេអូឃ្លិបជម្លោះពាក្យសម្តីដូចខាងក្រោមនេះដូចខាងក្រោមនេះ៖
