ភ្នំពេញ៖ពន្លកសិល្បៈ យុវវ័យលោក យឹម តារា អាយុ ២២ ឆ្នាំ បានតែលតោលក្នុងរាជធានីភ្នំពេញ រស់ជាមួយសិល្បៈ ក្រោយឪពុកស្លាប់ និងម្តាយធ្វើស្រែ នៅឯខេត្តសៀមរាប។
យឹម តារា ជាអ្នកស្រុកជីក្រែង ឃុំ និងភូមិល្វែងឬស្ស៊ី ខេត្តសៀមរាប បានថ្លែងប្រាប់ OBN asia ថា លោកជាកូនកំព្រាឪពុក ដោយបានរៀនចប់ត្រឹម ថ្នាក់ទី៨ តែប៉ុណ្ណោះ ខណៈដែលម្តាយជាអ្នកធ្វើស្រែចំការ។
តារាចម្រៀងក្នុងផលិតវ័ន្ត រូបនេះបានបន្តថា ខ្លួនបានចូលសិល្បៈរយៈពេល ៩ខែទៅហើយ នៅរាជធានីភ្នំពេញនេះ ហើយសង្ឈឹមថានឹងអាចសាងកេរ្តិ៍ឈ្មោះ បានតាមរយៈវិថីសិល្បៈ ដែលខ្លួនបានខិតខំប្រឹងប្រែង ស៊ូអត់ស៊ូឃ្លាននេះ។
យឹម តារា ថាតាមពិតខ្លួនលោកមិនចង់បោះបង់សិល្បៈចោលនោះទេ ប៉ុន្តែដោយសារតែជីវភាពគ្រួសារលោកពិបាកពេក ដូចបានជម្រាបជូនបងចឹង ថាឪពុកខ្ញុំ ហើយម្តាយខ្ញុំធ្វើស្រែ សួរថាតើជួបផលលំបាកអ្វីខ្លះ គឺគ្មានអ្វីទំនុកបំរុងសម្រាប់ខ្ញុំ ខណៈដែលបងប្អូនក៏ច្រើន ដែលបន្ទុកនេះធ្លាក់ទៅលើ ម្តាយតែម្នាក់។
តារា ថា មកជ្រកក្នុងផលិតកម្មវ័ន្តនេះ បានចេញបទជាច្រើនដែរក្នុងនោះមានបទ «ទោះអូនភ្លេចសន្យាក៏បងនៅចាំ» បទ «ភាពឯការត់រកបងហើយ» បទ«គ្មានអ្នកណាកែចិត្តបង» និងបទជាច្រើនទៀត៕
ស្តាប់បទ «គ្មានអ្នកណាកែចិត្តបង» ដូចខាងក្រោមនេះ៖
