អំឡុងពេលផ្តល់បទសម្ភាសន៍ចុងក្រោយដល់អ្នកសារព័ត៌មាន កាលពីថ្ងៃសុក្រ សប្តាហ៍នេះ លោក Mourinho បានអួតថា «ខ្ញុំជាគ្រូបង្វឹកដ៏អស្ចារ្យម្នាក់នៅលើពិភពលោក» ។
គ្រូបង្វឹកសញ្ជាតិព័រទុហ្កាលរូបនេះ បានឈ្នះពាន Europa League និង EFL Cup ក្នុងរយៈពេល២ឆ្នាំ នៅ Old Traford ប៉ុន្តែគាត់មិនទាន់ ទទួលបានពានកំពូលក្នុងស្រុកនៅឡើយ ដូចលោកកាន់កាប់ Porto, Chelsea, Inter និង Real Madrid ។
ជាមួយការអួតខ្លួនក្តែងៗនេះ គ្រូបង្វឹកមេឃខៀវលោក Pep Guardiola ថា ខ្ញុំមិនប្រកួតប្រជែងជាមួយ Mourinho នោះទេ ហើយវាជាការពិតណាស់ ការវិនិច្ច័យថាខ្លួនល្អ ឬមិនល្អ គឺវាអាស្រ័យទៅលើការងារដែលកំពុងធ្វើ ធ្វើបានសម្រេចនោះ។
Pep Guardiola ថាយើងបានប្រកួតប្រជែងដើម្បីពាន ហើយបើមានពាន គឺយើងមានការងារធ្វើ ប៉ុន្តែខ្ញុំមិនព្យាយាមប្រកួតប្រជែង ជាមួយគ្រូបង្វឹកម្នាក់នោះដែរ (Mourinho) ។
គ្រូបង្វឹកមេឃខៀវរូបនេះបានបន្តថា ខ្ញុំឈ្នះពាន ដោយសារតែនៅទីនេះមានកីឡាករល្អ ក្លិបធំអស្ចារ្យ ប្រសិនបើស្ថិតក្នុងស្ថានភាព Jose ក៏ខ្ញុំដូចគ្នាដែរ ដោយគ្មានពានក្នុងដៃ។ លោកបន្ថែមថា នៅទីនេះមានគ្រូបង្វឹកល្អជាច្រើនណាស់ តែពួកគេគ្មានឱកាសក្នុងការឈ្នះពាន៕
