ភ្នំពេញ៖ កាលពីវេលាម៉ោងប្រមាណ ១:១០នាទី រំលងអាធ្រាត្រឈានចូលថ្ងៃទី១៤ ខែធ្នូ ឆ្នាំ២០២១ មានករណីគ្រោះថ្នាក់ចរាចរណ៍មួយនៅចំណុចមុខប៉ុស្តិ៍នគរបាលរដ្ឋបាលស្រះចក តាមបណ្តោយផ្លូវព្រះមុនីវង្ស ស្ថិតក្នុងសង្កាត់ស្រះចក ខណ្ឌដូនពេញរាជធានីភ្នំពេញ ។
បើតាមប្រភពពីសមត្ថកិច្ចបានអោយដឹងថា រថយន្តបង្កហេតុម៉ាកRange Rover ពាកស្លាកលេខ ភ្នំពេញ 2BK-8809 បើកបរដោយលោក តា ប៊ុយ អតីតពិធីករដ៏ល្បីឈ្មោះមួយរូប ក្នុងស្ថានភាពស្រវឹង បានទៅបុកនឹងរថយន្ត Prius ពាកស្លាកលេខ ភ្នំពេញ 2AH-7048 ដែលកំពុងឈប់ចាំភ្លើងស្តុប បណ្តាលអោយរងការខូចខាតយ៉ាងដំណំ។ ក្រោយកើតហេតុរថយន្តបង្កព្យាយាមបើករត់ ប៉ុន្តែត្រូវរថយន្តរងគ្រោះតាមឃាតបាន ហើយក៏ព្រមធ្វើការសងសំណងថ្លៃជួសជុលដើម្បីបញ្ចប់រឿង៕
