កូរ៉េ៖ នេះបើយោងតាមការចេញផ្សាយរបស់សារព័ត៌មាន Soompi នៅថ្ងៃទី១០ ខែតុលា ឆ្នាំ២០២១នេះ បានអោយដឹងថា បទចម្រៀងរបស់ក្រុម BTS ចំណងជើងថា “Blood Sweat & Tears” បានក្លាយជាវីដេអូចម្រៀងទី៧ របស់ពួកគេ ដែលមានអ្នកមើលរហូតដល់ទៅ ៨០០លានដង។
គួរបញ្ជាក់ថានៅម៉ោងប្រមាណ ១៤:៥៦នាទីរសៀល ថ្ងៃទី១០ ខែតុលា បទចម្រៀងដែលមានចំណងជើងថា “Blood Sweat & Tears” មានអ្នកចូលមើល ៨០០លានដង នៅក្នុង YouTube។ បទ “Blood Sweat & Tears” ត្រូវបានចេញនៅថ្ងៃទី១០ ខែតុលា ឆ្នាំ២០១៦។ ដូច្នេះមានន័យថា បទចម្រៀងនេះត្រូវបានចំណាយប្រមាន ៥ឆ្នាំ និង ១៥ម៉ោង ដើម្បីមានចំនួនអ្នកមើលប៉ុណ្ណោះ៕
