ថៃ៖ នេះបើយោងតាមការចេញផ្សាយរបស់សារព័ត៌មាន Bangkok Post នៅថ្ងៃទី៩ ខែតុលា ឆ្នាំ២០២១ បានអោយដឹងថា គោលដៅទេសចរណ៍ចំនួន ៥ បន្ថែមទៀតនៅក្នុងប្រទេសថៃនឹងត្រូវបើកឱ្យទទួលភ្ញៀវចូលទស្សនាចាប់ពីថ្ងៃទី ១ ខែវិច្ឆិកា ដោយមានលក្ខខណ្ឌថានឹងមិនមានការឆ្លងមេរោគកូវីដ -១៩ ថ្មីក្នុងចំនួនច្រើន នៅតាមតំបន់នោះរហូតដល់ពេលបើកវិញ។
តំបន់ទាំងនោះមានរួមមានទីក្រុងបាងកក, ខេត្តឈៀងម៉ៃ (ស្រុកមឿង, ម៉ៃរីម, ម៉ៃតាំង និងដូយតាវ), ប្រាចៃឃីរីខាន់ (ស្រុកហួហ៊ីន), ភេតឆាបូរី (ស្រុកចាមអាំ) និងឈុនបូរី (ប៉ាតាយ៉ាបាង, ឡាមាំង និងសាតថាហ៊ីប) នេះបើយោងតាមអ្នកនាំពាក្យរដ្ឋាភិបាលលោក ថាណាខន វ៉ាងប៊ុនគង់ចាន់ណា បាននិយាយនៅថ្ងៃសៅរ៍នេះ។
ទីក្រុងបាងកក គឺជាទីតាំងមួយដែលមានការព្រួយបារម្ភជាងគេ ក៏ដោយសារវាជាច្រកចេញចូលប្រទេស៕
