យ៉ាងហោចណាស់ មានទារក៥០នាក់បានស្លាប់ ដោយសារតែផលិតផលសម្រាប់គេ ដែលគេហៅថា Fisher-Price Rock ’n Play Sleeper ដែលវាបង្កើនការស្លាប់លើចំនួនចាស់ ៣៧នាក់ ។ការបង្ហាញតួរលេខទារកស្លាប់ដោយប្រើឧបករណ៍គេងនេះ ជាសាធារណៈនាប៉ុន្មានសប្តាហ៍នេះ ហើយការស៊ើបអង្កេតបានបញ្ជាក់ថាមកពីការប្រើប្រាស់ផលិតផលគេង នោះ។
ថ្វីបើក្រុមហ៊ុន Fisher-Price និង Kids II បានប្រកាសប្រមូលផលិតផលរបស់គេមក ប៉ុន្តែនៅមានក្រុមហ៊ុនជាច្រើននៅបន្តលក់ ផលិតផលស្រដៀង គ្នា ដែលបង្កហានិភ័យដល់កុមារ ឬទារក។
ឧបករណ៍សម្រាប់ទារក ឬកុមារដេកនេះ ត្រូវបានរចនាឡើងសម្រាប់កុមារគេងនៅចន្លោះពី ១០ ដឺក្រេ ទៅ ៣០ ដឺក្រេ ។យោងតាម American Academy of Pediatrics បានឱ្យដឹងថាផលិតផលទាំងនេះបង្កើនលទ្ធភាពនៃការបង្ហាប់ផ្លូវដង្ហើមនិងការថប់ដង្ហើម។
កាលពីខែមេសា កន្លងទៅ Fisher-Price បានប្រកាសហៅ ផលិតផលរបស់ខ្លួនចំនួន 4.7 លាន និង Kids II បានហៅផលិតផល 694,000 បន្ទាប់ពីខាងCR បានស៊ើបអង្កេតឃើញថាវាមានការទាក់ទងដល់ការស្លាប់របស់កុមារ និងទារក។
យោងតាម Consumer Product Safety Commission ដែលជាគណៈកម្មាធិការត្រួតពិនិត្យទៅលើផលិតផល បានឱ្យដឹងថា គ្រួសារទារក ៤ផ្សេងគ្នា បានដាក់ពាក្យបណ្តឹងដោយបានចោទប្រកាន់ថា ទារករបស់ពួកគេបានថប់ដង្ហើម ជាមួយផលិតផលគេង Rock ’n Play Sleeper ។ ក្នុងនោះដែរ ក៏មានករណីស្លាប់ទារក បីនាក់នៅចន្លោះខែ មករា និង មីនា ឆ្នាំ២០១៩ មុនផលិតផលនេះបានប្រកាសហៅ ។
បើយោងតាម CPSC (Consumer Product Safety Commission) បានចេញផ្សាយកាលពីសប្តាហ៍ឱ្យដឹងថា មានក្មេងចំនួន ៥០នាក់ ដែលបាស្លាប់ដោយសារឧបករណ៍ដេកនេះ ៕
