ភ្នំពេញ៖ នេះបើយោងតាមផេករបស់លោក វេជ្ជ. ហ៊ាន រតនា ដែលត្រូវបានគេស្គាល់ថាជាពេទ្យដែលមានចិត្តធម៌ម្នាក់ បានសរសេររៀបរាប់អំពីរឿងម៉ាស៊ីនបាញ់កំដៅ ដែលមិនអាចយកជាការបានទេ។ ក្នុងនោះលោកវេជ្ជបណ្ឌិតបានបញ្ជាក់ថា៖
“កំហុសម៉ាសុីនបាញ់កំដៅ អាអូនក្តៅខ្លួនខ្លាំង 40អង្សាសេ ប៉ាម៉ាក់តាមដានកំដៅរហូតដែរនៅផ្ទះ តែគាត់វាស់កំដៅដោយម៉ាសុីនបាញ់កំដៅ (គាត់បាញ់ទៅឃើញតែ 37.5 អង្សារសេ) ទើបគាត់មិនបានប្រុងប្រយ័ត្ន និងមិនបានយកមកពេទ្យ រហូតទាល់តែកូនគាត់ប្រកាច់ បែកពពុះមាត់ ស្វាយមុខស្វាយមាត់ គាត់ក៏បានយកមកពេទ្យយ៉ាងលឿន វាស់កំដៅតាមក្លៀកឃើញ 40អង្សាសេ។ រឿងម៉ាសុីនបាញ់កំដៅខ្ញុំធ្លាប់បាននិយាយច្រើនដងដែរហើយ ថាមិនអាចយកជាការបានទេ”៕
