ភ្នំពេញ៖ លោក ហេង ប៊ុនឃីម ដែលជាគ្រូបង្វឹកផ្ទាល់នៅក្លឹបប្រដាល់រស្មីភូមិគាប នៅឯខេត្តបន្ទាយមានជ័យ បានលើកឡើងពីបញ្ហារបួសរបស់ ឃីម ឌីម៉ា ថាបានធូរស្រាល និងវះកាត់បានជោគជ័យរួចហើយលើបញ្ហាសរសៃជង្គង់នោះ ។
លោក ហេង ប៊ុនឃីម ដែលជាឪពុកអ្នកលេងគុនខ្មែរជើងខ្លាំង ឃីម ឌីម៉ា បានប្រាប់មកកាន់ OBN Asia ក្នុងអំឡុងការប្រកួតពានរង្វាន់ដណ្តើម ប្រាក់លានដេននី ក្វាន់ កាលពីថ្ងៃទី៥ ខែសីហា ថា ពេលនេះ ឃីម ឌីម៉ា កូនរបស់លោកបានធូរស្រាលហើយ ដោយវះកាត់បានជោគជ័យ ។ ប៉ុន្តែលោកបានបញ្ជាក់ថា ឌីម៉ា ត្រូវការពេលវេលាដើម្បីសម្រាកឲ្យបានច្រើន ហើយក៏មិនទាន់អាចដឹងថា នឹងវិលចូលសង្វៀនបាន ឬមិនបាននៅពេលណាឲ្យប្រាកដនោះទេ ៕
