ភ្នំពេញ៖ កន្លងទៅលោក មុត ណូវែល ដែលគេស្គាល់ថា ជាគ្រូពេទ្យចិត្តធម៌ជួយដល់កីឡាករគុនខ្មែរ និងអ្នកក្រីក្រមួយចំនួន ដែលគ្មានលទ្ធភាព ព្យាបាល ក៏ស្រាប់តែមានប្រតិកម្ម ក្រោយពី មានការចោទថា យកលុយកីឡាករ ១៥០ដុល្លារសម្រាកមួយយប់ ។
ជាមួយព័ត៌មាននេះដែរបានធ្វើឲ្យសាមីខ្លួន ខឹងសម្បារយ៉ាងខ្លាំង ខណៈដែលកន្លងទៅលោកត្រូវបានគេដឹងថា មិនប៉ះពាល់ដល់ការព្យាបាលជូន កីឡាករជាថ្នូរនឹងលុយនោះទេ ។
លោក មុត ណូវែល ហៅពេទ្យតូច បានសរសេរនៅលើបណ្តញទំនាក់ទំនងសង្គមថា ខឹងតាំងយប់មកដល់ព្រឹករាល់ថ្ងៃខ្ញុំមើលព្យាបាលកីឡាកររាល់ថ្ងៃមិនបានយកមួយសេនផងស្រាប់តែលឺគេនិយាយថាខ្ញុំយកលុយកីឡាករ១៥០ដុល្លាសំរាប់ជំងឺរាគក្អួតហើយសំរាកកន្លែងខ្ញុំ១យប់ អាកីឡាករណានិយាយចឹងឬគ្រូបង្វឹកណានិយាយ? ចេញមកបកស្រាយអោយច្បាស់ការ បើមិនច្បាស់លាស់ជាមួយខ្ញុំទេប្រយ័ត្នខ្ញុំទៅសួរដល់ពេទ្យផ្សេងដែលអ្នកបាននិយាយប្រាប់(និយាយាយអោយស្រួលបួលនិងការពិត) បកស្រាយអោយត្រឹមត្រូវនិងផ្តល់ចម្លើយសមហេតុផលអោយខ្ញុំ ព្រោះការនិយាយនេះវាខុសគ្មានការពិតសោះ ៕
