យ៉ាងហោចណាស់អ្នកទោស ១៧នាក់ត្រូវបានសម្លាប់នៅក្នុងគុក របស់ប្រទេសវេណេស៊ុយអេឡា កាលពីថ្ងៃសុក្រ ខណៈពួកគេព្យាយាមរត់គេចខ្លួន អំឡុងពេលមានកុបកម្ម។
របាយការណ៍របស់ឆ្មាំគុក បានឲ្យដឹងថា ក្រុមទាហានបានបើកការបាញ់ប្រហារ ទៅលើក្រុមអ្នកទោស ខណៈពួកគេបានសម្រុកចេញតាមច្រកធំនៃពន្ធនាគារ Los Llanos នៅភាគកណ្តាលនៃរដ្ឋ Portuguesa។
លោក Martinez ដែលរស់នៅក្នុងរដ្ឋធានី Guanare ក្បែរនឹងពន្ធនាគានោះ បាននិយាយថា កុបកម្មនេះ បណ្តាលមកពីអាជ្ញាធរពន្ធនាការហាមឃាត់ សាច់ញាតិអ្នកទោស មិនឲ្យនាំយកអាហារ មកឲ្យពួកគេ៕
