លោកត្រាំ ផ្ញើសារ​ជូនពរខួបកំណើត គីមជុងអ៊ុន តែមិនគ្រប់គ្រាន់ក្នុងការពិភាក្សារឿងនុយក្លេអ៊ែរ​

កូរ៉េខាងជើង​ទទួលបាន​សារ​ជូនពរ​ថ្ងៃខួបកំណើត​ពីលោកដូណាស់ត្រាំ ជូនចំពោះលោក គីម ជុងអ៊ុន តែនេះវាគ្រាន់តែនិយាយពីទំនាក់ទំនងផ្ទាល់ខ្លួន ដែលមិនគ្រប់គ្រាន់ក្នុងការចរចារពីបញ្ហានុយក្លេអ៊ែរឡើយ​។
ទីប្រឹក្សាក្រសួងការបរទេសរបស់កូរ៉េខាងជើង​លោក Kim Kye Gwan បានលើកឡើងថា លោក គីមផ្ទាល់ គឺចូលចិត្តលោក ត្រាំ ប៉ុន្តែមិនដឹកនាំ​ប្រទេស​ ដោយផ្អែកទៅលើអារម្មណ៍របស់គាត់ឡើយ​។

លោកបានបន្តថា គ្មានកិច្ចការណាមួយអាចធ្វើទៅបាន លុះត្រាតែអាម៉េរិកទទួលយកការទាមទាររបស់កូរ៉េខាងជើង​។​
ទំនាក់ទំនង​រវាងប្រទេស​ទាំងពីរ កាន់តែយ៉ាងប់យឺន ក្នុងប៉ុន្មានខែ​ចុងក្រោយមកនេះ ។
លោក គីម ជុងអ៊ុន និង លោកត្រាំ បានទល់មុខគ្នាដើម្បីពិភាក្សាក្នុងឆ្នាំ ២០១៨ លើប្រធានបទរំសាយ​អាវុធនុយក្លេអ៊ែរ ប៉ុន្តែការពិភាក្សា បានជាប់ គាំង នៅពេលដែលអាម៉េរិកបដិសេធដកទណ្ឌកម្មពីកូរ៉េខាងជើង​៕