ស្រវឹងស្រា ទៅថើបពស់វែក របួសធ្ងន់​បញ្ចូនទៅសង្គ្រោះបន្ទាន់នៅមន្ទីរពេទ្យ​

បុរសជនជាតិឥណ្ឌាម្នាក់បាន សាកលេង​ជាមួយពស់វែក ក៏ត្រូវបានពស់វែកចឹក​ របួសធ្ងន់បញ្ចូនទៅកាន់មន្ទីរពេទ្យ បន្ទាប់ពីគាត់​ស្រវឹងស្រា ហើ​យសាកថើបពស់វែក។​

យោងតាមសារព័ត៌មាន Metro បានចុះផ្សាយថា លោក Sonu បានរងនូវការឈឺចាប់ នឹងត្រូវបានបញ្ជូនទៅកាន់មន្ទីរពេទ្យ នៅ តំបន់ Karnataka ​ក្រោយពីពស់វែក វាយប្រហារទៅលើមុខរបស់គាត់ ចំថ្ងៃពិធីបុណ្យណូអែល ដោយហេតុការណ៍នេះ កើតឡើងក្នុងប្រទេសឥណ្ឌា​។
ប្រភពថា ដំបូងឡើយ អ្នកស្រុកដែលរស់នៅទីក្រុង Bhadravati បានឃើញពស់វែក ក៏បានខលហៅបុរស Sonu ឲ្យជួយ កាលពីថ្ងៃទី​២៤ ធ្នូ ។ ទោះបីជាយ៉ាងណាក៏ដោយ ប្រភពថា​បុរសខាងលើបានបង្ហាញពីជឿជាក់របស់គាត់ ដោយចាប់ផ្តើមប្រលែងលេង​ជាមួយពស់វែក។

នៅពេលដែលគាត់បានប្រលែងលេងពស់វែក ក៏បានវាយប្រហារទៅលើបបូរមាត់របស់គាត់ ដែលប្រើពឹសព្រួសលើ ។​ អ្នកល្បងជាមួយសត្វពស់នេះ បានហូរឈាម ក៏ត្រូវបានគេបញ្ចូនទៅកាន់មន្ទីរពេទ្យភ្លាមៗ ។
គ្រូពេទ្យបាននិយាយថាSonu បានរួចផុតពីការវាយប្រហារដោយសារការព្យាបាលទាន់ពេលវេលា។ មុខរបស់គាត់ហើមខ្លាំងជិត ១០ ថ្ងៃហើយតែពេលនេះគាត់បានជាសះស្បើយពីឧបទ្ទេវហេតុនេះហើយ៕