លោក Jose Mujica គឺជាអតីតប្រធានាធិបតីអ៊ុយរ៉ូហ្គាយពីឆ្នាំ ២០១០ ដល់ ២០១៥ ហើយត្រូវបានគេស្គាល់ថាជាមេដឹកនាំ ក្រតោកយ៉ាកបំផុតលើពិភពលោក ។
ថ្វីបើក្រ លោកក៏បានបន្សល់នូវពាក្យពេចន៍ ៩ឃ្លាចុងក្រោយ ផងដែរ ដែលមានប្រយោជន៍ក្នុងការគិតពិចារណា៖
១. Jose Mujica ៖ អ្នកក្រពិតប្រាកដ មិនមែនជាអ្នកដែលមានទ្រព្យសម្បត្តិតិចតួចនោះទេ តែជាអ្នកដែលចង់មានចង់បានខ្លាំងទេតើ ។
២. គេហៅខ្ញុំថា «ប្រធានាធិបតីក្រជាងគេ»តែខ្ញុំមិនដែលមានអារម្មណ៍ថាខ្លួនខ្ញុំក្រនោះឡើយ ។ លោកថា អ្នកដែលក្រីក្របំផុត មានតែអ្នកដែលធ្វើការ ហើយព្យាយាមធ្វើជីវិតខ្លួនឲ្យរស់នៅក្នុងភាពមានបាន ហើយបន្តចង់បានកាន់តែច្រើនថែមទៀត ។
៣. សម្រាប់ខ្ញុំ អ្នកក្រមានន័យថា ៖ អ្នកដែលចង់បានច្រើន ពីព្រោះថា បុគ្គលទាំងនោះត្រូវការរហូតមិនចេះស្កប់ស្កល់ឡើយ ។
៤. ខ្ញុំជឿថា ជីវិត គឺជាការផ្សងព្រេងដ៏អស្ចារ្យបំផុត ហើយវានឹងមានប្រយោជន៍នៅពេលចាប់ផ្តើមម្តងហើយម្តងទៀតរហូតដល់២០ដង ។
៥. មិនផឹកស្រា និងលេងគ្រឿងញៀន ជារឿងល្អបំផុត ។តែគ្រឿងញៀនសម្រាប់ខ្ញុំគឺ «ក្តីស្រលាញ់» ។
៦. សង្គមដែលពោរពេញដោយការអប់រំ គឺជាជម្រើសដ៏ល្អបំផុត ដែលគេចចេញពីការបោកប្រាស់ និងអំពើពុករលួយ។
៧. បើអ្នកចង់បានលុយ ចូរធ្វើជំនួញទៅ កុំចូលធ្វើនយោបាយ ពីព្រោះនយោបាយ គឺសម្រាប់បម្រើប្រជាជនប៉ុណ្ណោះ ។
៨. ខ្ញុំមានរបៀបរស់នៅមួយ ហើយពេលខ្ញុំធ្វើជាប្រធានាធិបតីក៏មិនផ្លាស់ប្តូររបៀបរស់នៅនោះដែរ ។
៩. ប្រធានាធិបតី គឺជាមន្រ្តីថ្នាក់ខ្ពស់បំផុតដែលត្រូវបានបោះឆ្នោតឲ្យទទួលខុសត្រូវតួនាទីរបស់ខ្លួន ។ គាត់ មិនមែនជាស្តេច ហើយក៏មិនមែនជាអាទិទេពអ្វីនោះដែរ ។ គាត់ គ្រាន់តែជាប្រជាជនធម្មតាដូចយើងដែរ ។
តើប្រិយមិត្តគិតយ៉ាងម៉េចដែរ? ហើយឃ្លាមួយណាដែលអ្នកពេញចិត្តបំផុត ?
