បរទេស៖ ប្រទេសចិនបានបាញ់បង្ហោះរ៉ុក្កែតឡុង ម៉ាច-២ស៊ី (Long March-2C) កាលពីថ្ងៃពុធ ដើម្បីដាក់ផ្កាយរណបមួយក្រុមថ្មីដែលអាចចាប់សញ្ញាពីចម្ងាយនៅក្នុងលំហ។
ផ្កាយរណបនៃក្រុមយៅហ្គាន់-៤៣ ០៣ (Yaogan-43 03) ត្រូវបានបាញ់បង្ហោះនៅម៉ោង ៩:០៩នាទីព្រឹក (ម៉ោងនៅទីក្រុងប៉េកាំង) ពីមជ្ឈមណ្ឌលបាញ់បង្ហោះផ្កាយរណបស៊ីចាង ក្នុងខេត្តស៊ីឈួន ភាគនិរតី ហើយបានចូលទៅក្នុងគន្លងដែលបានកំណត់ទុកជាមុន។
ផ្កាយរណបនេះនឹងត្រូវបានប្រើជាចម្បងសម្រាប់ការធ្វើតេស្តលើបច្ចេកវិទ្យាថ្មីសម្រាប់ក្រុមតារានិករទាប។ នេះគឺជាបេសកកម្មហោះហើរលើកទី៥៤២ នៃគ្រាប់រ៉ុក្កែតសេរីឡុង ម៉ាច៕
