បរទេស៖ ប្រទេសចិនបានចេញការប្រកាសអាសន្នពណ៌ខៀវសម្រាប់ជំនន់ទឹកភ្លៀង។ យោងតាមការជូនដំណឹងដែលត្រូវបានចេញដោយក្រសួងធនធានទឹក និងរដ្ឋបាលឧតុនិយមចិន បានឱ្យដឹងថា ចាប់ពីម៉ោង ៨:០០នាទីយប់ ភ្លៀងធ្លាក់ខ្លាំងទំនងជាកើតឡើងនៅតំបន់ភាគខាងត្បូងនៃខេត្តហ៊ូណាន និងខេត្តគីហ្សូ។
សេចក្តីជូនដំណឹងបានព្រមានថា ទឹកជំនន់ក៏អាចបង្កឡើងដោយសារភ្លៀងធ្លាក់ខ្លាំងនៅតំបន់ផ្សេងទៀត។ អាជ្ញាធរមូលដ្ឋានត្រូវបានណែនាំឱ្យពង្រឹងការត្រួតពិនិត្យពេលវេលាជាក់ស្តែង និងនីតិវិធីសម្រាប់ការព្រមានពីទឹកជំនន់ ចំពេលមានវិធានការដើម្បីត្រៀមជម្លៀសចេញ។
ប្រទេសចិនមានប្រព័ន្ធព្រមានអាកាសធាតុ ៤ជាន់ ដោយពណ៌ក្រហមតំណាងឱ្យការព្រមានធ្ងន់ធ្ងរបំផុត បន្ទាប់មកពណ៌ទឹកក្រូច ពណ៌លឿង និងពណ៌ខៀវ៕
ប្រភព៖ AKP
