បរទេស៖ សមាជិកសភាកំពូលរបស់ប្រទេសចិន លោក ហ្សៅ ឡេជី (Zhao Leji) បាននិយាយកាលពីថ្ងៃព្រហស្បតិ៍ថា ប្រទេសចិននឹងប្រកាន់ខ្ជាប់នូវយុទ្ធសាស្រ្តនៃការអភិវឌ្ឍដែលជំរុញដោយការបង្កើតថ្មី លើកកម្ពស់ការច្នៃប្រឌិតឧស្សាហកម្មតាមរយៈការច្នៃប្រឌិតបែបវិទ្យាសាស្ត្រ និងបច្ចេកវិទ្យា និងបង្កើនល្បឿននៃការអភិវឌ្ឍដោយកម្លាំងផលិតភាពប្រកបដោយគុណភាពថ្មី។
លោក ហ្សៅ ប្រធានគណៈកម្មាធិការអចិន្ត្រៃយ៍សភាប្រជាជនជាតិបាននិយាយថាប្រទេសចិនមានឆន្ទៈក្នុងការពង្រឹងកិច្ចសហប្រតិបត្តិការ ជាមួយប្រទេសដទៃទៀតក្នុងការច្នៃប្រឌិតវិទ្យាសាស្ត្រ និងបច្ចេកវិទ្យា ជំរុញភាពរឹងមាំនៃការបង្កើតថ្មី បណ្តុះចំណុចកំណើនសេដ្ឋកិច្ចថ្មី រួមគ្នាអនុវត្តគំនិតផ្តួចផ្តើមអភិបាលកិច្ចបញ្ញាសិប្បនិម្មិតសកល និងលើកកម្ពស់ការអភិវឌ្ឍប្រកបដោយសុខភាពល្អ សុវត្ថិភាព និងសណ្តាប់ធ្នាប់នៃវិស័យបញ្ញាសិប្បនិម្មិតសកល។
លោក ហ្សៅ បានធ្វើការកត់សម្គាល់នៅក្នុងសុន្ទរកថាសំខាន់មួយ នៅឯពិធីបើកវេទិកា បៅ (Boao) សម្រាប់សន្និសីទប្រចាំឆ្នាំ២០២៤៕
ប្រភព៖ AKP
