បរទេស៖ អ្នកនាំពាក្យចិនដីគោកកាលពីថ្ងៃពុធបាននិយាយថា ខ្លូនកំពុងតាមដានយ៉ាងដិតដល់ នូវចលនារបស់យោធាតៃវ៉ាន់នៅក្នុងតំបន់គីនមេន។
លោក ចេន ប៊ីនហួ (Chen Binhua) អ្នកនាំពាក្យការិយាល័យកិច្ចការកោះតៃវ៉ាន់របស់ក្រុមប្រឹក្សារដ្ឋ បាននិយាយថា រាល់ទង្វើបង្កហេតុដែលយោធាតៃវ៉ាន់ធ្វើ គឺនឹងត្រូវបរាជ័យ។
លោក ចេន បានធ្វើការអត្ថាធិប្បាយ ជាការឆ្លើយតបទៅនឹងសំណួរប្រព័ន្ធផ្សព្វផ្សាយទាក់ទងនឹងការប្រកាសរបស់អាជ្ញាធរ មកពីគណបក្សប្រជាធិបតេយ្យជឿនលឿន (DPP) របស់កោះតៃវ៉ាន់អំពីការបាញ់គ្រាប់ពិតនៅតំបន់គីនមេន ដែលបានគ្រោងទុកនៅក្នុងខែមេសា។
លោក ចេន បាននិយាយថា មិនថានេះជាការបណ្តុះបណ្តាល «ទម្លាប់» ឬការបង្កហេតុ «គោលដៅ» ក៏ដោយ អាជ្ញាធរ DPP ដឹងច្បាស់ជាងនរណាទាំងអស់។
លោក ចេន បាននិយាយថា ជនរួមជាតិនៅតំបន់គីនមេន បានឆ្លងកាត់ការផ្លាស់ប្តូររវាងសន្តិភាព និងសង្រ្គាម ហើយមានបំណងប្រាថ្នាកាន់តែខ្លាំងឡើងសម្រាប់សន្តិភាព។ ពួកគេបានជ្រើសរើសត្រឹមត្រូវរវាងពាក្យថា «បាញ់កាំភ្លើង» និងពាក្យ «ការសាងសង់ស្ពាន»៕
ប្រភព៖ AKP
