បរទេស៖ កាលពីថ្ងៃពុធ មន្ត្រីក្នុងតំបន់ម្នាក់បាននិយាយថា ក្រុមឧទ្ទាម M23 បានដណ្តើមកាន់កាប់ទីប្រជុំជន Nyanzale ស្ថិតនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ និងបានសម្លាប់មនុស្សយ៉ាងហោចណាស់ ១៥នាក់នៅក្នុងការវាយប្រហារដោយគ្រាប់បែក។
ទីប្រជុំជន Nyanzale មានចម្ងាយប្រហែល ១៣០គីឡូម៉ែត្រ ពីភាគខាងជើងតាមផ្លូវពីទីរដ្ឋធានី Goma ហើយជាជម្រកសម្រាប់ជនភៀសខ្លួនក្នុងស្រុករាប់ពាន់នាក់ ដែលបានភៀសខ្លួនចេញពីការប្រយុទ្ធគ្នានៅក្នុងតំបន់ជុំវិញ។
លោក Isaac Kibira អភិបាលរងក្រុង Bambo បាននិយាយថា “យើងបានកត់សម្គាល់ថា ក្រុម M23 បានដណ្តើមការកាន់កាប់នោះចាប់តាំងពីព្រឹកមកម្ល៉េះ ហើយចំនួនអ្នកស្លាប់បានកើនឡើងដល់ ១៥នាក់”។
លោកបានប្រាប់សារព័ត៌មានរ៉យទ័រថា “ជនរងគ្រោះត្រូវបានសម្លាប់ដោយការបោកគ្រាប់បែកដោយគ្មានគោលដៅដោយក្រុម M23” ដោយបន្ថែមថា មនុស្ស ១០នាក់ត្រូវបានសម្លាប់នៅក្នុងលំនៅដ្ឋានមួយ និងសាកសពផ្សេងៗទៀតត្រូវបានគេរកឃើញនៅទូទាំងទីក្រុង៕
ប្រភព៖ អគ្គស្នងការដ្ឋាននគរបាលជាតិ
