បរទេស៖ ប្រជាជននៅទីក្រុង Cienfuegos ចម្ងាយប្រហែល ២៥០គីឡូម៉ែត្រភាគខាងកើតនៃទីក្រុងហាវ៉ាណា បានចូលរួមក្នុងបុព្វហេតុដើម្បីសេរីភាពប៉ាឡេស្ទីននៅក្នុងការប្រមូលផ្តុំដ៏ពេញនិយមមួយដែលមានការចូលរួមដោយតំណាងនៃសង្គមស៊ីវិលកាលពីពេលថ្មីៗនេះ។
ព្រឹត្តិការណ៍ដ៏ធំនៅឧទ្យាន Jose Marti ក្នុងមជ្ឈមណ្ឌលទីក្រុងប្រវត្តិសាស្ត្រ Cienfuegos នោះ បានថ្កោលទោសចំពោះឧក្រិដ្ឋកម្មសង្គ្រាមដែលបានប្រព្រឹត្តដោយអ៊ីស្រាអែលប្រឆាំងនឹងប៉ាឡេស្ទីនចាប់តាំងពីថ្ងៃទី៧ ខែតុលា ជាមួយនឹងការវាយប្រហារទៅលើជនស៊ីវិល និងវិស័យសំខាន់ៗ ដូចជាមន្ទីរពេទ្យ អាហារដ្ឋាន ឬប្រភពថាមពលជាដើម។
តួលេខផ្លូវការបានបង្ហាញថា ជនជាតិប៉ាឡេស្ទីនជាង ១៣.២០០នាក់ រួមទាំងអនីតិជនចំនួន ៥.០០០នាក់ ស្ត្រី ៣.២៥០នាក់ និងមនុស្សចាស់ ៦៩០នាក់ ត្រូវបានសម្លាប់នៅតំបន់ហ្គាហ្សាស្ទ្រីប ចាប់តាំងពីការចាប់ផ្តើមវដ្តថ្មីនៃអំពើហិង្សា ខណៈដែលចំនួនអ្នករបួសមានលើសពី ២៩.៥០០នាក់៕
ប្រភព៖ AKP
