បរទេស៖ ប្រព័ន្ធផ្សព្វផ្សាយរបស់ប្រទេសមីយ៉ាន់ម៉ា បានរាយការណ៍កាលពីថ្ងៃទី៣១ ខែតុលាថា តំណាងរដ្ឋាភិបាលរបស់ខ្លួន និងក្រសួងសន្តិសុខសាធារណៈចិន បានពិភាក្សាគ្នា ស្តីពីការធានាសន្តិភាពនៅតាមព្រំដែនរួមរបស់ប្រទេសទាំងពីរ។
ដូចដែលត្រូវបានរាយការណ៍ដោយកាសែតក្នុងស្រុក Global New Light បានឱ្យដឹងថា រដ្ឋមន្ត្រីក្រសួងមហាផ្ទៃរបស់ប្រទេសមីយ៉ាន់ម៉ា លោកឧត្តមសេនីយ៍ទោ យ៉ា ពីយ៉ែរ បានជួបជាមួយរដ្ឋមន្ត្រីសន្តិសុខសាធារណៈចិន លោក វ៉ាង ស៊ាងហុង ក្នុងទីក្រុងណៃពិដោរ កាលពីពេលថ្មីៗនេះ។
មន្ត្រីទាំងពីរបានពិភាក្សាគ្នាអំពីសន្តិភាព និងស្ថិរភាពនៅតាមតំបន់ព្រំដែន និងវិធីសម្រាប់កិច្ចសហការគ្នាក្នុងការពង្រឹងច្បាប់ និងធានាសន្តិសុខ៕
ប្រភព៖ AKP
