បរទេស៖ ក្រុមប្រឹក្សារដ្ឋចិនបានចេញផ្សាយឯកសារណែនាំមួយ ដែលបញ្ជាក់ពីភារកិច្ចសម្រាប់លើកកម្ពស់ការអភិវឌ្ឍប្រកបដោយគុណភាពខ្ពស់ និងសម្របសម្រួលការអភិវឌ្ឍ និងសន្តិសុខនៅទូទាំងតំបន់ស្វយ័តម៉ុងហ្គោលីខាងក្នុងនៅភាគខាងជើងប្រទេសចិន។
គោលការណ៍ណែនាំនោះបានគូសបញ្ជាក់អំពីភារកិច្ចសំខាន់ៗក្នុងវិស័យចំនួន៧ ដើម្បីកែលម្អមុខងារក្នុងតំបន់ ដើម្បីធានាបាននូវប្រព័ន្ធអេកូឡូស៊ី ថាមពល អាហារ ឧស្សាហកម្ម និងសន្តិសុខព្រំដែនរបស់ប្រទេសចិន។
កិច្ចខិតខំប្រឹងប្រែងនោះបានសម្របសម្រួលទាក់ទងនឹងការគ្រប់គ្រងជាប្រព័ន្ធនៃជួរភ្នំ ទឹក ព្រៃឈើ ដីស្រែចម្ការ បឹង វាលស្មៅ និងវាលខ្សាច់ និងការជំរុញឱ្យមានការកែសម្រួលយុទ្ធសាស្ត្រ និងការបង្កើនប្រសិទ្ធភាពនៃរចនាសម្ព័ន្ធឧស្សាហកម្ម និងការរុករកផ្លូវថ្មី ដើម្បីផ្លាស់ប្តូរ និងអភិវឌ្ឍន៍តំបន់ដែលពឹងផ្អែកលើធនធាន។ នេះបើយោងតាមគោលការណ៍ណែនាំនោះ។
កិច្ចការនេះក៏បានអំពាវនាវឱ្យមានកិច្ចខិតខំប្រឹងប្រែងកាន់តែខ្លាំងថែមទៀតនៅក្នុងការកសាងប្រព័ន្ធថាមពលថ្មីមួយ ការបង្កើនអត្រានៃកសិកម្ម និងទំនើបកម្មកសិកម្ម ការចូលរួមយ៉ាងសកម្មក្នុងការធ្វើចរាចរណ៍ទ្វេរដងក្នុងស្រុក និងអន្តរជាតិ និងបន្តការពារតំបន់ព្រំដែនភាគខាងជើងរបស់ប្រទេសចិន៕
ប្រភព៖ AKP
