បរទេស៖ ទិន្នន័យពីសមាគមក្រុមហ៊ុនផលិតរថយន្តចិនបានបង្ហាញកាលពីថ្ងៃពុធថា ការលក់រថយន្តរបស់ប្រទេសចិនបានកើនឡើង ៩,៥% ពីមួយឆ្នាំទៅមួយឆ្នាំ ដែលឈានដល់ប្រមាណជិត ២,៨៦លានគ្រឿងកាលពីក្នុងខែកញ្ញា។
នៅក្នុងត្រីមាសទី៣ លទ្ធផលជារួមរបស់ប្រទេសចិននៅក្នុងការផលិតរថយន្ត និងការលក់បានលើសពីការរំពឹងទុក។ នេះបើយោងតាមលោក ចេន ស៊ីហួ អគ្គលេខាធិការរងនៃសមាគមនេះ។
លោកបានកោតសរសើរអំពីការកើនឡើងនៃការលក់មួយផ្នែក ចំពោះគោលនយោបាយរបស់ប្រទេសដែលមានគោលបំណងជំរុញដល់ការប្រើប្រាស់។
លោក ចេន បានកត់សម្គាល់ថា ក្នុងអំឡុងពេល ៩ខែដំបូង ការផលិត និងការលក់រថយន្តបានកើនឡើង ៧,៣% និង ៨,២% ពីមួយឆ្នាំទៅមួយឆ្នាំរៀងៗគ្នា។
ទិន្នន័យកាលពីថ្ងៃពុធក៏បានបង្ហាញផងដែរថា ការផលិត និងការលក់រថយន្តថាមពលថ្មីបានកើនឡើង ៣៣,៧% និង ៣៧,៥% នៅក្នុងត្រីមាសដំបូងរៀងគ្នា៕
ប្រភព៖ ទីភ្នាកង់ារសារព័ត៌មានកម្ពុជា
