បរទេស៖ ប្រធានាធិបតីអ៊ុយក្រែន លោក វ្ល៉ាឌីមៀ ហ្សេលេនស្គី បារម្ភថា លោកខាងលិចអាចនឹងមិនសូវយកចិត្តទុកដាក់ចំពោះជម្លោះនៅអ៊ុយក្រែនបន្តទៀត ចំពេលដែលកំពុងមានការវាយប្រហារកាលពីពេលថ្មីៗនេះទៅលើអ៊ីស្រាអែលដោយក្រុមចលនារ៉ាឌីកាល់ប៉ាឡេស្ទីនហាម៉ាស់។
លោក ហ្សេលេនស្គី បាននិយាយនៅក្នុងបទសម្ភាសន៍មួយថា «សហគមន៍ពិភពលោកប្រហែលជាមិនសូវយកចិត្តទុកដាក់ចំពោះអ៊ុយក្រែនទៀតទេ»។
ទន្ទឹមនឹងនេះដែរ លោកសង្ឃឹមថានឹងនៅតែមានការបន្តការគាំទ្រពីសហរដ្ឋអាមេរិក។
ប្រធានាធិបតីអ៊ុយក្រែនក៏បានអះអាងផងដែរថា «ប្រសិនបើជំនួយដល់ទីក្រុងគៀវត្រូវបានបញ្ឈប់ នោះវានឹងក្លាយជាពេលរបស់ភាគីរុស្ស៊ី»។
កាលពីថ្ងៃទី៧ ខែតុលា បន្ទាប់ពីអ៊ីស្រាអែលបានរងការបាញ់ផ្លោងចេញពីតំបន់ហ្គាហ្សាស្ទ្រីប ក្រុមសកម្មប្រយុទ្ធហាម៉ាស់បានជ្រៀតចូលរដ្ឋជ្វីហ្វ។ ក្រុមហាម៉ាស់បានហៅការវាយប្រហាររបស់ខ្លួនថាជាការឆ្លើយតបចំពោះសកម្មភាពរបស់អ៊ីស្រាអែលប្រឆាំងនឹងវិហារអ៊ីស្លាមអាល់-អាកសា នៅក្នុងទីក្រុងហ្សេរុយសាឡឹម។ ប្រទេសអ៊ីស្រាអែលបានប្រកាសថា ខ្លួនបានត្រៀមខ្លួនរួចជាស្រេចសម្រាប់សង្គ្រាម ដោយចាប់ផ្តើមប្រតិបត្តិការដាវដែក និងបានបញ្ជាឱ្យឡោមព័ទ្ធតំបន់ហ្គាហ្សាស្ទ្រីប។ ការប៉ះទង្គិចគ្នាបានផ្ទុះឡើងនៅតំបន់វេសប៊ែង ហើយមានការបាញ់កាំភ្លើងធំនៅតំបន់ព្រំដែនជាមួយប្រទេសលីបង់៕
ប្រភព៖ ទីភ្នាកង់ារសារព័ត៌មានកម្ពុជា
