បរទេស៖ នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បាននិយាយកាលពីថ្ងៃអង្គារថា ប្រទេសឥណ្ឌូណេស៊ី ថៃ និងចិន បានព្រមព្រៀងប្រើប្រាស់រូបិយប័ណ្ណរីងហ្គីតរបស់ម៉ាឡេស៊ីនៅក្នុងពាណិជ្ជកម្មទ្វេភាគីជាមួយទីក្រុងគូឡាឡាំពួរ។
កាសែតម៉ាឡេស៊ីមួយបានរាយការណ៍កាលពីថ្ងៃអង្គារថា ប្រទេសម៉ាឡេស៊ីបានចរចាទៅលើការរៀបចំការងារខាងលើនេះ នៅខាងក្រៅនៃកិច្ចប្រជុំកំពូលអាស៊ានដែលប្រព្រឹត្តទៅចាប់ពីថ្ងៃទី៤-៧ ខែកញ្ញានៅទីក្រុងហ្សាការតា។
ការប្រើប្រាស់កាន់តែទូលំទូលាយនៃរូបិយប័ណ្ណរីងហ្គីត បានជួយទប់ស្កាត់ការធ្លាក់ថ្លៃនៃរូបិយប័ណ្ណ ដែលជាទិដ្ឋភាពមួយដែលត្រូវបានគូសបញ្ជាក់ដោយលោក អ៊ីប្រាហ៊ីម។
ការរាយការណ៍នោះបាននិយាយបន្តថា ទោះជាយ៉ាងណា លោកនាយករដ្ឋមន្ត្រីបានទទួលស្គាល់ថា តម្លៃរូបិយប័ណ្ណជាតិបានធ្លាក់ចុះ ៦,៥% បើធៀបទៅនឹងប្រាក់ដុល្លារអាម៉េរិកនៅក្នុងឆ្នាំនេះ។ រូបិយប័ណ្ណរីងហ្គីតបានជួញដូរក្នុងអត្រា ៤,៧៣រីងហ្គីតក្នុង ១ដុល្លារអាម៉េរិកនៅម៉ោង ១២:០០ GMT៕
ប្រភព៖ ទីភ្នាកង់ារសារព័ត៌មានកម្ពុជា
