បរទេស៖ ប្រធានាធិបតីឥណ្ឌូណេស៊ី លោក ចូកូ វីដូដូ បាននិយាយនៅក្នុងកិច្ចប្រជុំគណៈរដ្ឋមន្ត្រីថា រដ្ឋាភិបាលឥណ្ឌូណេស៊ីនឹងបង្កើនការនាំចូលជាដំណោះស្រាយមួយដើម្បីទប់ស្កាត់ការឡើងថ្លៃម្ហូបអាហារ ជាពិសេសពោត ស្ករ និងអង្ករ។
ថ្លែងទៅកាន់ប្រព័ន្ធផ្សព្វផ្សាយបន្ទាប់ពីកិច្ចប្រជុំគណៈរដ្ឋមន្រ្តីនោះ រដ្ឋមន្ត្រីក្រសួងពាណិជ្ជកម្មឥណ្ឌូណេស៊ី លោក ហ្ស៊ុលគីហ្វលី ហាសាន់ បាននិយាយថា តម្លៃស្ករ និងពោតកំពុងកើនឡើងជាលំដាប់ ដោយសារស្ថានភាពពិភពលោកនាពេលបច្ចុប្បន្ន ដូចជាបញ្ហាជម្លោះ និងបាតុភូតអាកាសធាតុអ៊ែលនីណូជាដើម។
លោកបាននិយាយបន្ថែមថា ប្រទេសឥណ្ឌូណេស៊ីនឹងនាំចូលពោតចំនួន ២៥០.០០០តោនសម្រាប់ឧស្សាហកម្មចំណីសត្វ។ ទន្ទឹមនឹងនេះដែរ ប្រទេសនេះក៏នឹងរង់ចាំឱ្យតម្លៃធ្លាក់ចុះមុននឹងសម្រេចចិត្តនាំចូលស្ករផងដែរ។
លោកបាននិយាយថា ក្រុមហ៊ុននាំចូលស្ករ គ្រាន់តែចុះបញ្ជីនាំចូលប្រមាណ ៣០% នៃកូតានាំចូលស្ករសសរុបប៉ុណ្ណោះ។
បើយោងតាមលោករដ្ឋមន្ត្រីបានឱ្យដឹងថា រដ្ឋាភិបាលក៏កំពុងសហការជាមួយប្រទេសមួយចំនួនក្នុងការទិញអង្ករដែរប្រសិនបើមានការចាំបាច់។ ប្រទេសនៅតំបន់អាស៊ីអាគ្នេយ៍មួយនេះ គ្រោងនឹងនាំចូលអង្ករបន្ថែមចំនួន ១,៥លានតោន ដើម្បីបង្កើនទុនបម្រុងអង្ករជាតិរបស់ខ្លួន ដែលមានត្រឹមតែ ១,៧លានតោនប៉ុណ្ណោះ គិតត្រឹមថ្ងៃទី៦ ខែតុលា៕
ប្រភព៖ ទីភ្នាកង់ារសារព័ត៌មានកម្ពុជា
