បរទេស៖ ទិន្នន័យផ្លូវការបានបង្ហាញថា ការធ្វើដំណើរតាមផ្លូវគោក និងផ្លូវទឹករបស់ប្រទេសចិនបានកើនឡើងយ៉ាងខ្លាំងក្នុងរយៈពេល ៨ខែដំបូងនៃឆ្នាំនេះ។
យោងតាមក្រសួងដឹកជញ្ជូនរបស់ប្រទេសចិនបានឱ្យដឹងថា បណ្តាញដឹកជញ្ជូនផ្លូវគោករបស់ប្រទេសបានគ្រប់គ្រងការធ្វើដំណើររបស់អ្នកដំណើរប្រហែល ២,៩៧ប៊ីលានដង ក្នុងអំឡុងពេលនោះ ដែលកើនឡើងបាន ១៩,៧% ពីមួយឆ្នាំទៅមួយឆ្នាំ។
ការធ្វើដំណើររបស់អ្នកដំណើរសរុបចំនួន ១៨៤,១៤លានដង ត្រូវបានធ្វើឡើងតាមរយៈផ្លូវទឹករបស់ប្រទេសចិនក្នុងរយៈពេលដូចគ្នានេះ ដែលកើនឡើងយ៉ាងខ្លាំង ១២៣,៣%។
ទិន្នន័យនោះបានបង្ហាញថា នៅក្នុងខែសីហាតែមួយ ការធ្វើដំណើររបស់អ្នកដំណើរដែលធ្វើឡើងតាមរយៈផ្លូវគោក និងផ្លូវទឹករបស់ប្រទេសចិនមានចំនួន ៤១៦,២៥លានដង និង៣៥,៩៣លានដងរៀងៗគ្នា៕
ប្រភព៖ ទីភ្នាក់ងារសារព័ត៌មានកម្ពុជា
