បរទេស៖ កាលពីព្រឹកថ្ងៃពុធ ក្រុមការពារជនស៊ីវិលបានរើកកាយគំនរអគារ ដែលឆេះ ដើម្បីស្វែងរកអ្នកនៅរស់រានមានជីវិត ដោយមានមនុស្សជាង ១០០នាក់បានស្លាប់ និង១៥០ នាក់រងរបួស នៅក្នុងហេតុការណ៍អគ្គិភ័យនៅដែលកើតឡើងនៅពិធីមង្គលការមួយនៅស្រុក Hamdaniya ក្នុងខេត្ត Nineveh របស់ប្រទេសអ៊ីរ៉ាក់។
អភិបាលរងក្រុង Nineveh លោក Hassan al-Allaq បានប្រាប់សារព័ត៌មានរ៉យទ័រថា មនុស្សចំនួន ១១៣ នាក់ត្រូវបានបញ្ជាក់ថាបានស្លាប់ ដោយប្រព័ន្ធផ្សព្វផ្សាយរដ្ឋបានចុះផ្សាយថា ចំនួនអ្នកស្លាប់មាន យ៉ាងហោចណាស់ ១០០នាក់ និងរងរបួស ១៥០នាក់។
យោងតាមប្រព័ន្ធផ្សព្វផ្សាយរដ្ឋ ក្រុមសង្គ្រោះជនស៊ីវិលក្នុងតំបន់បាននិយាយថា អគ្គិភ័យបានឆាប ឆេះ សាលដ៏ធំមួយនៅក្នុងតំបន់ភាគឦសាន បន្ទាប់ពីការបាញ់កាំជ្រួចអំឡុងពេលប្រារព្ធពិធីនោះ។
លោក Imad Yohana អាយុ ៣៤ឆ្នាំ ដែលរត់គេចខ្លួនពីអគ្គិភ័យនោះបាននិយាយថា “យើងបានឃើញ ភ្លើងឆេះចេញពីសាល។ មានអ្នករត់ចេញរួច និងអ្នកដែលជាប់គាំងនៅក្នុងនោះ។ ហើយសូម្បីតែអ្នកដែលគេច ផុត ក៏មានរងរបួសដែរ”។
វីដេអូឆ្លើយតបពីអ្នកព័ត៌មានរ៉យទ័រដែលនៅកន្លែងកើតហេតុ បានបង្ហាញពីក្រុមអ្នកពន្លត់អគ្គិភ័យ កំពុងតោងឡើងគ្រោងអគារបានឆាបឆេះនោះ និងមានបញ្ចាំងពិលពិនិត្យគំនរបែកបាក់៕
ប្រភព៖ អគ្គស្នងការដ្ឋាននគរបាលជាតិ
