បរទេស៖ កាលពីថ្ងៃពុធ ក្រសួងការបរទេសអាមេរិកបាននិយាយថា រដ្ឋបាលលោក Biden “នឹងមិនស្ទាក់ស្ទើរ” ក្នុងការដាក់ទណ្ឌកម្មបន្ថែមទៀតលើប្រទេសរុស្ស៊ី និងកូរ៉េខាងជើង ប្រសិនបើប្រទេសទាំងពីរចុះកិច្ចព្រមព្រៀងសព្វាវុធថ្មីណាមួយ។
នៅក្នុងសន្និសីទសារព័ត៌មានមួយ អ្នកនាំពាក្យក្រសួងការបរទេសលោក Matthew Miller បានចេញការព្រមាន ដែលឆ្លើយតបទៅនឹងសំណួរអំពីកិច្ចប្រជុំនៅប្រទេសរុស្ស៊ីរវាងប្រធានាធិបតីរុស្ស៊ីលោកពូទីន និងមេដឹកនាំកូរ៉េខាងជើងលោកគីម ជុងអ៊ុន។
លោក Miller បាននិយាយថា “យើងបានចាត់វិធានការមួយចំនួនរួចហើយ ដើម្បីដាក់ទណ្ឌកម្មលើអង្គភាពដែលជួញដូរសព្វាវុធរវាងកូរ៉េខាងជើង និងរុស្ស៊ី ហើយយើងនឹងមិនស្ទាក់ស្ទើរក្នុងការដាក់វិធានការបន្ថែមប្រសិនបើនោះជាការសមស្រប”។
លោកបាននិយាយទៀតថា អ្វីដែលជាបញ្ហាគឺ រុស្ស៊ី និងកូរ៉េខាងជើងកំពុងពិភាក្សាគ្នាអំពីកិច្ចសហប្រតិបត្តិការ ដែលអាចរំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ៕
ប្រភព៖ អគ្គស្នងការដ្ឋាននគរបាលជាតិ
