បរទេស៖ ព្រះមហាក្សត្រថៃ ព្រះអង្គម្ចាស់ ម៉ាហា វ៉ាជីរ៉ាឡុងកន បានអនុម័តទៅលើគណៈរដ្ឋមន្ត្រីរបស់លោក ស្រេតថា ថៈវីស៊ីន នាយករដ្ឋមន្ត្រីថៃ។ នេះបើយោងតាមសារព័ត៍មានរបស់ព្រះរាជវាំងថៃបានចេញផ្សាយកាលពីថ្ងៃទី២ ខែកញ្ញា។
យោងតាមការចេញផ្សាយនោះបានឱ្យដឹងថា ព្រះមហាក្សត្រថៃបានតែងតាំងរដ្ឋមន្ត្រីដែលជ្រើសរើសដោយលោក ស្រេតថា ដែលត្រូវបានបញ្ជាក់ថាជារដ្ឋមន្ត្រីហិរញ្ញវត្ថុរបស់ប្រទេសថៃផងដែរ។
លោក ស្រេតថា បេក្ខភាពនៃគណបក្សភឿថៃ ត្រូវបានបោះឆ្នោតជ្រើសរើសជានាយករដ្ឋមន្ត្រីថ្មីរបស់ប្រទេសថៃកាលពីខែសីហា បន្ទាប់ពីទទួលបានសំឡេងឆ្នោតគាំទ្រភាគច្រើនសាមញ្ញក្នុងការបោះឆ្នោតសភា។
រដ្ឋាភិបាលរបស់លោកមានគណបក្សចម្រុះចំនួន១១ ដែលដឹកនាំដោយគណបក្សភឿថៃ ដែលរួមមានទាំងគណបក្សធំៗក្នុងរដ្ឋបាលមុនរបស់លោកនាយករដ្ឋមន្ត្រី ប្រាយុធ ចាន់អូចា ផងដែរ៕
ប្រភព៖ ក្រសួងព័ត៌មាន
