បរទេស៖ កាលពីថ្ងៃទី ១៥ ខែឧសភា ប្រធានាធិបតីហ្វីលីពីន លោក ហ្វឺរឌីនែនដ៍ ម៉ារកូស ជេអ (Ferdinand Marcos Jr) បានអនុម័តការនាំចូលស្ករសរហូតដល់ចំនួន ១៥០.០០០តោន ដើម្បីរក្សាស្ថិរភាពតម្លៃក្នុងស្រុក ដោយសារកង្វះខាតក្នុងស្រុក។
លោកបាននិយាយថា ប្រទេសហ្វីលីពីនបានយល់ព្រមចំពោះការនាំចូលស្ករសបន្ថែមទៀតដើម្បីរក្សាស្ថិរភាពតម្លៃ។ បរិមាណអតិបរមាសម្រាប់ការនាំចូលនោះនឹងមានចំនួន ១៥០.០០០តោន។
ផែនការចុងក្រោយនេះបានកើតឡើងក្នុងរយៈពេលត្រឹមតែបីខែប៉ុណ្ណោះ បន្ទាប់ពីរដ្ឋាភិបាលបាននិយាយថា ខ្លួនកំពុងស្វែងរកការនាំចូលស្ករសរហូតដល់ចំនួន ៤៤០.០០០តោន ដើម្បីជំរុញការផ្គត់ផ្គង់ក្នុងស្រុកដែលកំពុងមានស្ថានភាពតឹងរឹង។
ផ្អែកទៅលើទិន្នន័យពីរដ្ឋបាលជាតិគ្រប់គ្រងស្ករស (SRA) របស់ប្រទេសហ្វីលីពីនបានឱ្យដឹងថា ជាធម្មតា ការនាំចូលស្ករសពីប្រទេសថៃនឹងមានកង្វះខាតនៅចុងខែសីហា ឬនៅចុងបញ្ចប់នៃរដូវកិនស្រូវក្នុងស្រុក។
អាស្រ័យហេតុនេះ SRA ត្រូវការការនាំចូលស្ករសពី ១០០.០០០តោន ទៅ ១៥០.០០០តោន ដើម្បីបញ្ចៀសការខ្វះខាតនេះ៕
ប្រភព៖ ទីភ្នាក់ងារសារព័ត៌មានកម្ពុជា
