បរទេស៖ កាលពីថ្ងៃទី ១៥ ខែឧសភា នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានប្រកាសពីការបើកដំណើរការមជ្ឈមណ្ឌលដំបូងគេសម្រាប់បដិវត្តន៍ឧស្សាហកម្មទី៤ របស់ម៉ាឡេស៊ី (មជ្ឈមណ្ឌលម៉ាឡេស៊ីសម្រាប់ 4IR) នៅក្នុងវេទិកាសេដ្ឋកិច្ចពិភពលោកនៃប្រព័ន្ធអេកូឡូស៊ីសកលលោក។
ថ្លែងនៅក្នុងពិធីសម្ពោធនោះ លោក អ៊ីប្រាហ៊ីម បាននិយាយថា វាគឺជាមជ្ឈមណ្ឌលដំបូងគេក្នុងអាស៊ានដែលប្រមូលផ្តុំមេដឹកនាំមកពីរដ្ឋាភិបាល ក្រុមហ៊ុនធុរកិច្ច សង្គមស៊ីវិល បណ្ឌិតសភា និងវិស័យផ្សេងៗទៀត ដើម្បីជំរុញភាពជាដៃគូ និងគំនិតផ្តួចផ្តើមថ្មីៗដែលអាចដោះសោគុណតម្លៃនៃបច្ចេកវិទ្យាសម្រាប់សេដ្ឋកិច្ច និងសង្គមរបស់ប្រទេសម៉ាឡេស៊ី។
លោកបាននិយាយថា ការលើកកម្ពស់សេដ្ឋកិច្ចឌីជីថល គឺជារបៀបវារៈដ៏សំខាន់មួយសម្រាប់រដ្ឋាភិបាលម៉ាឡេស៊ី ហើយវាត្រូវបានបញ្ជាក់តាមរយៈប្លង់មេ និងគោលនយោបាយសេដ្ឋកិច្ចឌីជីថលម៉ាឡេស៊ីសម្រាប់បដិវត្តន៍ឧស្សាហកម្មទី៤ ដែលត្រូវបានរៀបចំឡើងដោយប្រើវិធីសាស្រ្តផ្តោតសំខាន់ទៅលើមនុស្ស។
វាគឺជាមជ្ឈមណ្ឌលទី១៩ នៅក្នុងមជ្ឈមណ្ឌលសកលលោករបស់វេទិកាសេដ្ឋកិច្ចពិភពលោកសម្រាប់បណ្តាញ 4IR ហើយវានឹងក្លាយជាវេទិកាសាធារណៈ និងឯកជន។
មជ្ឈមណ្ឌលនេះនឹងផ្តោតសំខាន់ទៅលើការជួយដល់ការផ្លាស់ប្តូរឌីជីថល និងការរីកចម្រើនរបស់ប្រទេសនេះ រួមទាំងការផ្លាស់ប្តូរថាមពលបៃតងផងដែរ៕
ប្រភព៖ ទីភ្នាក់ងារសារព័ត៌មានកម្ពុជា
