បរទេស៖ ឯកអគ្គរដ្ឋទូតអ៊ីរ៉ង់ប្រចាំនៅប្រទេសរុស្ស៊ី លោក កាហ្សេម ចាឡាលី (Kazem Jalali) បាននិយាយថា ទំនាក់ទំនងរវាងប្រទេសអ៊ីរ៉ង់ និងរុស្ស៊ីកំពុងឈានដល់កម្រិតថ្មីមួយ ខណៈដែលប្រទេសទាំងពីរបានឯកភាពគ្នាទៅលើវិធីសាស្រ្តក្នុងការដោះស្រាយបញ្ហាក្នុងតំបន់ និងអន្តរជាតិ។
លោក ចាឡាលី បាននិយាយនៅក្នុងព្រឹត្តិការណ៍សិក្សាមួយនៅទីក្រុងមូស្គូកាលពីថ្ងៃសៅរ៍ថា «ថ្ងៃនេះ ទំនាក់ទំនងរវាងសាធារណរដ្ឋអ៊ីស្លាមអ៊ីរ៉ង់ និងសហព័ន្ធរុស្ស៊ីកំពុងឈានដល់កម្រិតថ្មីមួយ»។
អ្នកការទូតរូបនោះបាននិយាយថា ប្រទេសទាំងពីរ «កំពុងឈានចូលទៅក្នុងវិសាលភាពនៃកិច្ចសហប្រតិបត្តិការជិតស្និទ្ធមួយ ហើយមានវិធីសាស្រ្តស្រដៀងគ្នាក្នុងការដោះស្រាយបញ្ហាក្នុងតំបន់ និងអន្តរជាតិ»។
លោក ចាឡាលី បានសរសើរដាច់ដោយឡែកមួយអំពីនូវតួនាទីដ៏សំខាន់របស់ក្រុមអ្នកឯកទេសអ៊ីរ៉ង់ និងរុស្ស៊ី ដែលនិយាយភាសាទាំងពីរ៕
ប្រភព៖ ក្រសួងព័ត៌មាន
