ប្រទេស ៣នេះ សម្របសម្រួលដើម្បីដោះស្រាយការបំពុលក្នុងខ្យល់ឆ្លងដែន

បរទេស៖ នាយករដ្ឋមន្ត្រីថៃ លោក ប្រាយុធ ចាន់អូចា (Prayut Chan-o-cha) បានធ្វើជាប្រធាននៃសន្និសីទតាមប្រព័ន្ធអនឡាញមួយជាមួយសមភាគីឡាវ លោក សូនិស្ស៧យ ស៊ីផាដន (Sonexay Siphandone) និងអគ្គមេបញ្ជាការរងក្រសួងការពារជាតិមីយ៉ាន់ម៉ា លោក មីន អ៊ុងលាំង (Min Aung Hlaing) កាលពីថ្ងៃទី៧ ខែមេសា ដើម្បីដោះស្រាយបញ្ហាការបំពុលអ័ព្ទក្នុងខ្យល់ឆ្លងដែនក្នុងតំបន់។

នៅក្នុងកិច្ចប្រជុំនោះ លោក ប្រាយុធ បានស្នើឡើងនូវយុទ្ធសាស្ត្រមេឃស្អាត ដែលជាយន្តការដ៏មានប្រសិទ្ធភាពមួយដើម្បីដោះស្រាយបញ្ហានេះ។

នៅក្រោមយុទ្ធសាស្ត្រនេះ ប្រទេសនីមួយៗគួរតែប្តេជ្ញាចិត្តកាត់បន្ថយចំណុចក្តៅស្របតាមផែនការសកម្មភាពខេត្តឈៀងរ៉ៃ ដែលបានអនុម័តដោយប្រទេសចំនួនប្រាំនៅក្នុងអនុតំបន់ទន្លេមេគង្គនៅក្នុងឆ្នាំ២០១៧។

លោកបានកត់សម្គាល់ថា ជាផ្នែកមួយនៃតួនាទីរបស់ប្រទេសថៃ វានឹងជំរុញកិច្ចសហប្រតិបត្តិការក្នុងការបំពុលអ័ព្ទក្នុងខ្យល់ឆ្លងដែន តាមរយៈយន្តការទ្វេភាគីដែលពាក់ព័ន្ធនៅថ្នាក់មូលដ្ឋានជាមួយប្រទេសឡាវ និងប្រទេសមីយ៉ាន់ម៉ា។

ការបំពុលខ្យល់នៅភាគខាងជើងប្រទេសថៃបានអូសបន្លាយអស់ជាច្រើនថ្ងៃ ដែលបង្កឱ្យមានការព្រួយបារម្ភទាំងអ្នកក្នុងស្រុក និងភ្ញៀវទេសចរណ៍៕

ប្រភព៖ ក្រសួងព័ត៌មាន