បេសកកម្មប្រចាំនៅអង្គការសហប្រជាជាតិរបស់រុស្ស៊ី ឆ្លើយតបទៅនឹងសំណើសម្រាប់កិច្ចប្រជុំកំពូលសន្តិភាពរបស់ទីក្រុងគៀវ

បរទេស៖ បេសកកម្មប្រចាំនៅអង្គការសហប្រជាជាតិរបស់ប្រទេសរុស្ស៊ីបានឆ្លើយតបទៅនឹងសំណើរបស់រដ្ឋមន្ត្រីការបរទេសអ៊ុយក្រែន លោក ឌីមីទ្រី គូឡេបា ដើម្បីរៀបចំ «កិច្ចប្រជុំកំពូលសន្តិភាព» នៅឯអង្គការសហប្រជាជាតិនៅចុងខែកុម្ភៈឆ្នាំក្រោយ ដោយមានអគ្គលេខាធិការអង្គការសហប្រជាជាតិ លោក អាន់តូនីអូ ហ្គូទើរេស ដើរតួជាអ្នកសម្រុះសម្រួល។

នៅក្នុងបទសម្ភាសន៍មួយជាមួយសារព័ត៌មាន Associated Press អ្នកការទូតកំពូលរបស់អ៊ុយក្រែនបាននិយាយថា រុស្ស៊ីត្រូវតែប្រឈមមុខនឹងការធ្វើសេចក្តីសម្រេច មុនពេលវាអាចត្រូវបានអញ្ជើញឱ្យចូលរួមក្នុងព្រឹត្តិការណ៍នេះ។

អ្នកតំណាងរងអចិន្ត្រៃយ៍ទីមួយរបស់រុស្ស៊ីប្រចាំអង្គការសហប្រជាជាតិ លោក ឌីមីទ្រី ប៉ូលីយ៉ាន់ស្គី បានសរសេរនៅលើបណ្តាញតេឡេក្រាមកាលពីល្ងាចថ្ងៃចន្ទថា «លោករដ្ឋមន្ត្រីការបរទេស គូឡេបា បាននិយាយថា អ៊ុយក្រែនមានគោលបំណងសម្រាប់ «កិច្ចប្រជុំកំពូលសន្តិភាព» ជាក់លាក់មួយមុនដំណាច់ខែកុម្ភៈ ដែលប្រធានអង្គការសហប្រជាជាតិអាចដើរតួនាទីជា «អ្នកសម្របសម្រួល»។

លោកបានសង្កត់ធ្ងន់ថា «ទីពីរ គឺក្រសួងការបរទេសអ៊ុយក្រែនបានចេញសេចក្តីថ្លែងការណ៍ដ៏វែងមួយដោយចោទប្រកាន់ថា រុស្ស៊ីបានចូលជាសមាជិកក្រុមប្រឹក្សាសន្តិសុខអង្គការសហប្រជាជាតិ និងអង្គការសហប្រជាជាតិដោយខុសច្បាប់ ខណៈដែលទាមទារឱ្យយើងដកខ្លួនចេញពីស្ថាប័ននេះ»។ យោងតាមលោក ប៉ូលីយ៉ាន់ស្គី បានឱ្យដឹងថា គ្មាននរណាម្នាក់នៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិមានប្រតិកម្មចំពោះអ្វីដែលលោកបានហៅថាជាការខឹងសម្បារជាទម្លាប់របស់លោក ស៊ែរហ្គេយ គីស្ល៊ីតសា ដែលជាអ្នកតំណាងអចិន្ត្រៃយ៍របស់អ៊ុយក្រែនប្រចាំអង្គការសហប្រជាជាតិនោះទេ។

លោក ប៉ូលីយ៉ាន់ស្គី ឆ្ងល់ថា «ប្រសិនបើយើងព្យាយាមដាក់រឿងទាំងពីរនេះបញ្ចូលគ្នា នោះវាមានលក្ខណៈផ្តាច់មុខទៅវិញទៅមក ដូច្នេះតើកិច្ចប្រជុំកំពូលសន្តិភាពបែបណាដែលអាចកើតឡើងដោយគ្មានប្រទេសរុស្ស៊ី»។ លោកបាននិយាយថា «ទន្ទឹមនឹងនោះដែរ ការស្រមើស្រមៃដោយគ្មានអ៊ុយក្រែន គឺងាយស្រួលណាស់»។ លោកបានប្រកែកដោយបាននិយាយបន្ថែមថា សេណារីយ៉ូបែបនេះនឹងក្លាយជាសុបិន្តអាក្រក់សម្រាប់លោក គូឡេបា និងលោក គីស្ល៊ីតសា ដែលគំនិតផ្តួចផ្តើមរបស់លោកបាននិងកំពុងនាំយកសេណារីយ៉ូនេះទៅមុខ។ នេះ គឺជាអ្វីដែលលោក ប៉ូលីយ៉ាន់ស្គី បានពិពណ៌នាថា ជា «ការទូត ៤០៤»៕

ប្រភព៖ ក្រសួងព័ត៌មាន