បរទេស៖ ក្រុមមន្ត្រីបាននិយាយថា កាលពីយប់ថ្ងៃពុធ យ៉ាងហោចណាស់មនុស្សចំនួន ១៧នាក់បានស្លាប់ក្នុងហេតុការឆេះរថយន្តក្រុងនៅភាគខាងត្បូងប្រទេសប៉ាគីស្ថាន នៅពេលដែលរថយន្តក្រុងនោះកំពុងធ្វើដំណើរត្រឡប់ទៅលំនៅដ្ឋានរបស់អ្នករងគ្រោះទាំងនោះវិញ។
ឧបទ្ទវហេតុនេះបានកើតឡើងនៅផ្លូវ M-9 ដែលតភ្ជាប់ពីទីក្រុងកំពង់ផែ Karachi ជាមួយទីក្រុង Hyderabad និងទីក្រុង Jamshoro ក្នុងខេត្ត Sindh ។
លោក Siraj Qasim Soomro លេខាធិការនៃសភាសុខាភិបាលបានប្រាប់អ្នកយកព័ត៌មានថា “រហូតមកដល់ពេលនេះ អ្នកដំណើរចំនួន ១៧នាក់បានស្លាប់ក្នុងឧបទ្ទវហេតុនេះនេះ ហើយចំនួន ១០នាក់ផ្សេងដែលរងរបួស និងបានព្យាបាលដោយក្រុមជួយសង្គ្រោះ”។ ហើយមនុស្សសរុបប្រមាណ ៣៥នាក់បានដំណើរតាមរថយន្តក្រុងនោះ។
អធិការស្រុក Jamshoro លោក Asif Jameel បានប្រាប់សារព័ត៌រ៉យទ័រថា “ជនរងគ្រោះដែលធ្វើដំណើរតាមរថយន្តក្រុងទាំងនោហ ជាជនគ្រោះដោយទឹកជំនន់ ដែលបានចាកចេញពីទីលំនៅក្នុងស្រុក Dadu ហើយកំពុងធ្វើដំណើរត្រឡប់ទៅវិញ” ៕
ប្រភព៖ អគ្គស្នងការដ្ឋាននគរបាលជាតិ
