បរទេស៖ នៅក្នុងការស្មានទុកជាមុនថានឹងមានកំហាប់ធូលីក្នុងខ្យល់កាន់តែខ្ពស់បន្ទាប់ពីការឧបត្ថម្ភធនក្នុងរដូវវស្សា មន្ត្រីនៅទីក្រុងបាងកកបានធ្វើអធិការកិច្ចដើម្បីត្រួតពិនិត្យវិធានការកាត់បន្ថយធូលីនៅតាមរោងចក្របេតុង។ ការត្រួតពិនិត្យនេះត្រូវបានធ្វើឡើងនៅក្នុងតំបន់រ៉ាម៉ា៩ ក្នុងទីក្រុងបាងកក។
អភិបាលរងទីក្រុងបាងកក លោក ចាក់កាផាន ភីវង៉ាម កាលពីពេលថ្មីៗនេះបានប្រតិបត្តិការអធិការកិច្ចនៅក្រុមហ៊ុន Siam City Concrete Co Ltd ក្នុងតំបន់រ៉ាម៉ា៩។ ចូលរួមក្នុងការធ្វើអធិការកិច្ចនោះ រួមមានមន្ត្រីមកពីនាយកដ្ឋានបរិស្ថាននៃរដ្ឋបាលទីក្រុងបាងកក (BMA) និងការិយាល័យសង្កាត់ហ៊ុយខ្វាង។
លោក ចាក់កាផាន បាននិយាយថា មានរោងចក្របេតុងចំនួន១០ នៅក្នុងតំបន់នោះដែលត្រូវមានការធធ្វើអធិការកិច្ចជាចាំបាច់ ដើម្បីធានាថាសកម្មភាពលាយបេតុងមិនរួមចំណែកដល់ការបំពុលបរិយាកាសក្នុងទីក្រុង។ លោកបាននិយាយបន្ថែមថា ទីក្រុងបាងកកកត់ត្រានូវកំហាប់ខ្ពស់នៃភាគល្អិត PM2.5 ជារៀងរាល់ឆ្នាំក្នុងរដូវប្រាំង ដែលជាទូទៅវាចាប់ផ្តើមនៅចុងរដូវវស្សា។
លោកអភិបាលរងរូបនោះបាននិយាយថា ការចុះធ្វើអធិការកិច្ចនៅថ្ងៃនេះក្នុងគោលបំណងធានាថា វិធានការបង្ការធូលីមាននៅនឹងកន្លែងក្នុងអំឡុងពេលផ្ទុក ការលាយ និងដំណើរការការងារផ្សេងៗទៀត។ លោកបានពន្យល់ថា ការបាញ់ទឹកក៏អាចរក្សាកម្រិតធូលីឱ្យមានការធ្លាក់ចុះផងដែរ នៅពេលដែលក្រួស បាយអ និងខ្សាច់ត្រូវបានបញ្ជូនទៅកន្លែងលាយ។
លោកអភិបាលរងបានកត់សម្គាល់ថា បណ្តារោងចក្របេតុងដែលបានធ្វើអធិការកិច្ច ត្រូវបានរកឃើញថាបានអនុវត្តវិធានការណ៍នេះយ៉ាងយកចិត្តទុកដាក់ ដែលបានជួយសម្រាលបញ្ហាទាក់ទងនឹងធូលីខ្យល់បានយ៉ាងច្រើន៕
ប្រភព៖ ក្រសួងព័ត៌មាន
