បរទេស៖ នេះបើយោងតាមការចេញផ្សាយរបស់សារព័ត៌មានរុស្ស៊ី RT នៅថ្ងៃទី៣ ខែសីហា ឆ្នាំ២០២២ បានអោយដឹងថាប្រធានសភាអាមេរិកលោកស្រី Nancy Pelosi បានបញ្ចប់ដំណើរទស្សនកិច្ចដ៏ចម្រូងចម្រាសរបស់លោកស្រីទៅកាន់កោះតៃវ៉ាន់ ហើយបានហោះចេញពីព្រលានយន្តហោះ Songshan ក្នុងទីក្រុងតៃប៉ិ នៅថ្ងៃពុធនេះ។
លោកស្រី Pelosi បានមកដល់កោះតៃវ៉ាន់កាលពីថ្ងៃអង្គារ បើទោះបីជាមានការព្រមានយ៉ាងខ្លាំងពីសំណាក់ទីក្រុងប៉េកាំង ដែលចាត់ទុកកោះតៃវ៉ាន់ជាផ្នែកមួយនៃទឹកដីរបស់ខ្លួនក្រោមគោលនយោបាយចិនតែមួយ។
ក្នុងអំឡុងពេលស្នាក់នៅដ៏ខ្លីរបស់លោកស្រីនៅទីក្រុងតៃប៉ិ ប្រធានសភាអាមេរិករូបនេះបានសន្យាថាសហរដ្ឋអាមេរិក នឹងមិនបោះបង់ចោលការប្តេជ្ញាចិត្តរបស់ខ្លួនចំពោះតៃវ៉ាន់នោះទេ៕
