បរទេស៖ ប្រភពចំនួន ០៣ និងឯកសារ ០១ បានបង្ហាញថា រុស្សីយកប្រាក់ថ្លៃប្រេងពីប្រទេសឥណ្ឌាជារូបិយប័ណ្ណអារ៉ាប់អេមីរ៉ាត់ដែលនាំចេញទៅកាន់អតិថិជនជនជាតិឥណ្ឌាមួយចំនួន ខណៈដែលទីក្រុងម៉ូស្កូមិនទទួលប្រាក់ដុល្លារសហរដ្ឋអាមេរិកដើម្បីដកខ្លួនចេញពីឥទ្ធិពលនៃទណ្ឌកម្មរបស់ប្រទេសលោកខាងលិច ។
រុស្សីបានទទួលរងទណ្ឌកម្មជាច្រើនពីសហរដ្ឋអាមេរិក និងសម្ព័ន្ធមិត្ត ទៅលើការឈ្លានពានអ៊ុយក្រែនកាលពីចុងខែកុម្ភៈ ដែលខ្លួនបាននិយាយថាជា “ប្រតិបត្តិការយោធាពិសេស”។ វិក័យបត្រដែលបានឃើញដោយសារព័ត៌មានរ៉យទ័របានបង្ហាញពីចំនួនទឹកប្រាក់សម្រាប់ការផ្គត់ផ្គង់ទៅកាន់រោងចក្រចម្រាញ់ប្រេងបានគណនាជាដុល្លារ ប៉ុន្តែការទូរទាត់បានស្នើសុំជារូបិយបណ្ឌអារ៉ាប់អេមីរ៉ាត។
ក្រុមហ៊ុនប្រេងដ៏ធំរបស់រុស្ស៊ី Rosneft (ROSN.MM) កំពុងជំរុញប្រេងឆៅតាមរយៈក្រុមហ៊ុនពាណិជ្ជកម្មរួមទាំង Everest Energy និង Coral Energy ចូលទៅក្នុងប្រទេសឥណ្ឌា ដែលឥឡូវនេះជាអ្នកទិញប្រេងធំជាងគេទីពីរបន្ទាប់ពីប្រទេសចិន៕
ប្រភព៖ អគ្គស្នងការដ្ឋាននគរបាលជាតិ
