បរទេស៖ កាលពីថ្ងៃទី 0៧ ខែកក្កដា លោក Boris Johnson ដែលមានរឿងអាស្រូវជាច្រើនបានប្រកាសថា លោកនឹងលាលែងចេញពីតំណែងជានាយករដ្ឋមន្ត្រីអង់គ្លេស បន្ទាប់ពីលោកបាត់បង់ការគាំទ្រជាច្រើនពីរដ្ឋមន្ត្រី និងសមាជិកសភាអភិរក្សនិយមជាច្រើននាក់ ប៉ុន្តែលោកបាននិយាយថា លោកនឹងបន្តធ្វើការរហូតដល់នាយករដ្ឋមន្ត្រីដែលត្រូវស្នងតំណែងត្រូវបានជ្រើសរើស ។
ដោយមិនអាចជៀសផុតបាន ខណៈដែលរដ្ឋមន្ត្រី និងជំនួយការរបស់រដ្ឋាភិបាលជាង៥០ នាក់ បានលាលែងពីតំណែង ហើយសមាជិកសភាបាននិយាយថា លោកត្រូវតែលាលែង លោក Johnson ដែលឯកោនិងគ្មានអំណាចបាននិយាយថា រឿងនោះបានបញ្ជាក់យ៉ាងច្បាស់ថា គណបក្សរបស់លោកចង់បានអ្នកផ្សេងទៀតឲ្យទទួលមុខតំណែងនេះ ត្រូវប៉ុន្តែការចាកចេញដោយបង្ខំរបស់លោកគឺ “មានលក្ខណៈចម្លែក” ហើយនេះជាលទ្ធផលរបស់ “ការធ្វើតាមគ្នាជាក្រុម” នៅក្នុងសភា។
លោក Johnson បាននិយាយនៅខាងក្រៅការិយាល័យរបស់លោកដែលស្ថិតនៅលើផ្លូវ Downing ថា “ថ្ងៃនេះខ្ញុំបានតែងតាំងគណៈរដ្ឋមន្ត្រីមួយដើម្បីបំពេញតួនាទីរបស់ខ្ញុំ ហើយខ្ញុំនឹងនៅក្នុងតំណែងនេះរហូត ដល់មានអ្នកជំនួសលោក” ហើយសុន្ទរកថារបស់លោកត្រូវបានពិនិត្យដោយមិត្តជិតស្និទ្ធ និងភរិយារបស់លោក គឺលោកស្រី Carrie ៕
ប្រភព៖ អគ្គស្នងការដ្ឋាននគរបាលជាតិ
