បរទេស៖ នេះបើយោងតាមការចេញផ្សាយរបស់សារព័ត៌មាន RT បានអោយដឹងថារដ្ឋមន្ត្រីការពារជាតិអាមេរិក Lloyd Austin បានប្រកាសកាលពីថ្ងៃចន្ទដើមសប្តាហ៍ថា ប្រទេសដាណឺម៉ាកនឹងផ្តល់នៅកាំជ្រួចប្រឆាំងនាវា ប្រភេទ Harpoon ទៅអោយប្រទេសអ៊ុយក្រែន។
នេះបើយោងតាមលោក Austin និងប្រធានអគ្គនាយសេនាធិការចម្រុះលោក Mark Milley ដែលបាននិយាយជាមួយអ្នកសារព័ត៌មានបន្ទាប់ពីកិច្ចប្រជុំកាលពីថ្ងៃចន្ទនៃក្រុមទំនាក់ទំនងការពារអ៊ុយក្រែន បានបញ្ជាក់ជាផ្លូវការថា ការផ្តល់កាំជ្រួចនេះ គឺក្នុងគោលបំណងជួយ “ការពារឆ្នេរសមុទ្រអ៊ុយក្រែន”។
លោក Austin បានបន្ថែមទៀតថា ក្រុមប្រឹក្សាដែលមានប្រទេសចំនួន ៤៧ ដែលមានបំណងផ្គត់ផ្គង់សព្វាវុធដល់ទីក្រុងកៀវបានធ្វើការជួបប្រជុំគ្នា ដើម្បីស្វែងយល់អំពីតម្រូវការរបស់អ៊ុយក្រែន៕
