បរទេស៖ នេះបើយោងតាមការចេញផ្សាយរបស់ People’s Daily បានអោយដឹងថាអ្នកនាំពាក្យក្រសួងការបរទេសសហរដ្ឋអាមេរិកបាននិយាយថា រដ្ឋមន្ត្រីការបរទេសសហរដ្ឋអាមេរិក លោក អេនតូនី ប្ល៊ីនខេន បានធ្វើតេស្តវិជ្ជមានសម្រាប់ជំងឺកូវីដ-១៩ កាលពីថ្ងៃពុធ។
អ្នកនាំពាក្យរូបនោះបាននិយាយនៅក្នុងសេចក្តីថ្លែងការណ៍មួយថា លោក ប្ល៊ីនខេន បានធ្វើតេស្តវិជ្ជមានសម្រាប់ជំងឺកូវីដ-១៩ នៅរសៀលថ្ងៃពុធ តាមរយៈការធ្វើតេស្ត PCR ។
លោកបាននិយាយថា លោក ប្ល៊ីនខេន បានទទួលការចាក់វ៉ាក់សាំងយ៉ាងពេញលេញ និងដូសជំរុញប្រឆាំងនឹងជំងឺរាតត្បាតនេះ តែលោកមានរោគសញ្ញាស្រាលប៉ុណ្ណោះ»។
លោក Price បាននិយាយថា ស្របតាមការណែនាំរបស់មជ្ឈមណ្ឌលគ្រប់គ្រង និងបង្ការជំងឺ និងការពិគ្រោះយោបល់ជាមួយការិយាល័យសេវាវេជ្ជសាស្ត្ររបស់ក្រសួងការបរទេសសហរដ្ឋអាមេរិក លោក ប្ល៊ីនខេននឹងនៅដាច់ដោយឡែកនៅផ្ទះ និងនៅតែរក្សាការងារតាមកាលវិភាគក្នុងទម្រង់និម្មិត។
យោងតាមលោក Price បានឱ្យដឹងថា លោក ប្ល៊ីនខេន មិនបានជួបប្រធានាធិបតីសហរដ្ឋអាមេរិក លោក ចូ បៃដិន ដោយផ្ទាល់អស់រយៈពេលជាច្រើនថ្ងៃមកហើយ៕
ប្រភព៖ ក្រសួងព័ត៌មាន
