បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៨ ខែមេសា ឆ្នាំ២០២២ បានអោយដឹងថាអ្នកនាំពាក្យក្រសួងការពារជាតិ លោកឧត្តមសេនីយ៍ Igor Konashenkov បានប្រកាសកាលពីថ្ងៃច័ន្ទថា យោធារុស្ស៊ីបានបំផ្លាញរោងចក្រយោធាអ៊ុយក្រែនដែលប្រើសម្រាប់ជួសជុលក្បាលគ្រាប់មីស៊ីលផ្លោង Tochka-U ។ រោងចក្រនេះ មានទីតាំងនៅភាគអាគ្នេយ៍នៃទីក្រុង Dnepr របស់អ៊ុយក្រែន ដែលពីមុនត្រូវបានគេស្គាល់ថា Dnepropetrovsk ។
ប្រភេទមីស៊ីលផ្លោង Tochka-U ផលិតដោយសូវៀត ត្រូវបានប្រើប្រាស់យ៉ាងទូលំទូលាយដោយកងកម្លាំងអ៊ុយក្រែន ក្នុងជម្លោះជាមួយរុស្ស៊ី។ ប្រភេទអាវុធនេះ គឺជាអាវុធដែលយូរបំផុតរបស់ក្រុងកៀវ ដែលអាចបាញ់ក្នុងចម្ងាយអតិបរមាដល់ទៅ ១២០ គីឡូម៉ែត្រ។ មីស៊ីលនេះ អាចត្រូវបានបំពាក់ជាមួយនឹងក្បាលគ្រាប់ជាច្រើន រួមទាំងគ្រាប់បែកចង្កោមផងដែរ៕
