បរទេស៖ នេះបើយោងតាមការចេញផ្សាយរបស់ GOAL នៅថ្ងៃទី១៩ ខែមេសា ឆ្នាំ២០២២ បានអោយដឹងថា ខ្សែប្រយុទ្ធរូបនេះបានបញ្ជាក់ពីដំណឹងនេះក្នុងសារមួយទៅកាន់អ្នកគាំទ្រកាលពីថ្ងៃចន្ទជាមួយដៃគូ គឺអ្នកនាង Georgina Rodriguez។
Cristano Ronaldo បានស្នើរសុំនៅពេលវេលាជាឯកជនរបស់ខ្លួន បន្ទាប់ពីខ្សែប្រយុទ្ធ Manchester United បានប្រកាសពីការស្លាប់របស់កូនប្រុសទើបនឹងកើតរបស់គាត់។
ខ្សែប្រយុទ្ធសញ្ជាតិព័រទុយហ្គាល់បានបញ្ជាក់ពីព័ត៌មាននេះនៅក្នុងសារមួយនៅលើប្រព័ន្ធផ្សព្វផ្សាយសង្គមកាលពីថ្ងៃចន្ទ ខណៈពេលដែលក៏បង្ហាញពីកំណើតរបស់កូនស្រីជាមួយគូស្នេហ៍អ្នកនាង Georgina Rodriguez ដោយអ្នកទាំងពីរបាននិយាយកាលពីមុនថាពួកគេកំពុងរង់ចាំកូនភ្លោះ។
Ronaldo គឺជាឪពុករបស់កូនបួននាក់ផ្សេងទៀត កូនប្រុស Cristiano Jr និង Mateo និងកូនស្រី Eva និង Alana៕
