បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៧ ខែមេសា ឆ្នាំ២០២២ ទីប្រឹក្សាសេដ្ឋកិច្ចអ៊ុយក្រែនលោក Oleh Ustenko បានស្នើសុំជំនួយហិរញ្ញវត្ថុចំនួន ៥០ពាន់លានដុល្លារពីប្រទេស G7 ដើម្បីគ្របដណ្តប់ឱនភាពថវិកាដែលកើតឡើងដោយជម្លោះយោធាជាមួយរុស្ស៊ីនៅក្នុងសុន្ទរកថាតាមទូរទស្សន៍កាលពីថ្ងៃអាទិត្យ។ លោកបាននិយាយថា ក្រុងកៀវក៏កំពុងពិចារណាលើការចេញប័ណ្ណបំណុល ០% ដើម្បីកាត់បន្ថយគម្លាតសារពើពន្ធ។
ទន្ទឹមនឹងនេះ ធនាគារពិភពលោកកំពុងរៀបចំកញ្ចប់ជំនួយចំនួន ១.៥ ពាន់លានដុល្លារសម្រាប់អ៊ុយក្រែន។ ប្រាក់កម្ចីនេះនឹងរួមបញ្ចូលការបង់ប្រាក់ចំនួន ១ពាន់លានដុល្លារពីមូលនិធិរបស់អ្នកផ្តល់ប្រាក់កម្ចីអភិវឌ្ឍន៍សម្រាប់ប្រទេសក្រីក្របំផុត។ មូលនិធិនេះបានផ្តល់លុយប្រហែល ៩២៣លានដុល្លារក្នុងការផ្តល់ហិរញ្ញប្បទាន់ឆាប់រហ័សដែលត្រូវបានអនុម័តដោយធនាគារពិភពលោកកាលពីខែមុន៕
