បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៩ ខែមេសា ឆ្នាំ២០២២ បានអោយដឹងថាធនាគារកណ្តាលនៃប្រទេសរុស្ស៊ីបាននិយាយនៅក្នុងសេចក្តីថ្លែងការណ៍មួយនៅលើគេហទំព័ររបស់ខ្លួនកាលពីថ្ងៃសុក្រថា ធនាគារកណ្តាលនៃប្រទេសរុស្ស៊ីកំពុងដកចេញនៅវិធានការត្រួតពិនិត្យមូលធនបណ្តោះអាសន្នដែលហាមឃាត់បុគ្គលម្នាក់ៗពីការទិញរូបិយប័ណ្ណបរទេស។
ចាប់ពីថ្ងៃទី១៨ ខែមេសា ពលរដ្ឋរុស្ស៊ីនឹងត្រូវបានអនុញ្ញាតឱ្យទិញរូបិយប័ណ្ណបរទេសម្តងទៀតនៅធនាគារ ក៏ដូចជាអាចដកប្រាក់ពីគណនីរូបិយប័ណ្ណបរទេសរបស់ពួកគេជាប្រាក់ដុល្លារអាមេរិក និងអឺរ៉ូរហូតដល់ ១០០០០ដុល្លារ ឬចំនួនសមមូលជាប្រាក់អឺរ៉ូ។ ខណៈដែលចំនួនលើសពីដែនកំណត់នេះអាចដកជាប្រាក់រូបវិញ។ ការដាក់ការកំណត់នេះ នឹងធ្វើរហូតដល់ថ្ងៃទី៩ ខែកញ្ញា៕
