បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៨ ខែមេសា ឆ្នាំ២០២២ បានអោយដឹងថាសហភាពអឺរ៉ុបបានបង្ហាញអំពីការដាក់ទណ្ឌកម្មសេដ្ឋកិច្ចជុំទីប្រាំប្រឆាំងនឹងរុស្ស៊ីជុំវិញជម្លោះនៅអ៊ុយក្រែនកាលពីថ្ងៃសុក្រ។
ទណ្ឌកម្មថ្មីនេះត្រូវបានអនុម័តដោយគណៈកម្មាធិការអចិន្ត្រៃយ៍របស់សហភាពអឺរ៉ុបកាលពីថ្ងៃព្រហស្បតិ៍ ហើយត្រូវបានចេញផ្សាយដោយក្រុមប្រឹក្សាអឺរ៉ុបនៅលើគេហទំព័ររបស់ខ្លួនកាលពីថ្ងៃសុក្រ។
ការដាក់ទណ្ឌកម្មថ្មីនេះ គឺផ្តោទៅលើវិស័យហិរញ្ញវត្ថុ និងពាណិជ្ជកម្ម ប៉ុន្តែជៀសវាងការផ្តោតគោលដៅលើការនាំចូលប្រេង និងឧស្ម័នធម្មជាតិពីប្រទេសរុស្ស៊ី៕
