បរទេស៖ នេះពើយោងតាមការចេញផ្សាយរបស់សារព័ត៌មាន RT នៅថ្ងៃទី៨ ខែមេសា ឆ្នាំ២០២២ បានអោយដឹងថា ប្រទេសបារាំងកំពុងធ្វើការស្ទង់មតិអ្នកប្រើប្រាស់ឧស្ម័នធម្មជាតិដ៏ធំបំផុតរបស់ខ្លួន ដើម្បីវាយតម្លៃថាតើពួកគេមួយណាដែលនឹងត្រូវផ្អាកការប្រើប្រាស់របស់ខ្លួន ប្រសិនបើការដឹកជញ្ជូនប្រេងឥន្ធនៈពីប្រទេសរុស្ស៊ីត្រូវបានកាត់បន្ថយ។ ផែនការនេះត្រូវបានគូសបញ្ជាក់នៅក្នុងក្រឹត្យមួយដែលចេញផ្សាយកាលពីថ្ងៃសុក្រដោយកាសែតរដ្ឋាភិបាល JORF។
ឯកសារនេះនិយាយថា ប្រតិបត្តិករបណ្តាញឧស្ម័នរបស់បារាំង GRTgaz នឹងប្រមូលទិន្នន័យពីអ្នកប្រើប្រាស់ធំជាងគេរបស់ប្រទេសនេះ។ ដូច្នេះរដ្ឋាភិបាលអាចសម្រេចថាតើពួកគេមួយណាអាចនឹងត្រូវផ្អាក ហើយធ្វើអោយមានការខូចខាតសេដ្ឋកិច្ចតិចបំផុត។ ហើយមានតែអង្គភាពដែលមានការប្រើប្រាស់ប្រចាំឆ្នាំយ៉ាងហោចណាស់ ៥ជីហ្គាវ៉ាត់ម៉ោងប៉ុណ្ណោះដែលកំពុងត្រូវបានពិចារណាសម្រាប់កំណាត់អោយប្រើប្រាស់បាន៕
