បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៨ ខែមេសា ឆ្នាំ២០២២ បានអោយដឹងថានិយតករបាននិយាយនៅក្នុងសេចក្តីប្រកាសព័ត៌មានកាលពីថ្ងៃព្រហស្បតិ៍ថា ធនាគារនៃប្រទេសរុស្ស៊ីបានធ្វើវិសោធនកម្មវិធីសាស្ត្រទិញមាសរបស់ខ្លួនដោយសារតែការពង្រឹងរូបិយប័ណ្ណក្នុងស្រុក ហើយឥឡូវនេះនឹងទិញមាសក្នុង “តម្លៃចរចា” ។ គោលនយោបាយនេះចូលជាធរមាននៅថ្ងៃសុក្រ ទី៨ ខែមេសា ឆ្នាំ២០២២នេះ។
គួរបញ្ជាក់ថានៅថ្ងៃទី២៥ ខែមីនា ឆ្នាំ២០២២ ធនាគារកណ្តាលបាននិយាយថា ខ្លួននឹងទិញមាសក្នុងតម្លៃថេរ ៥០០០រូប (៥២ ដុល្លារអាមេរិក) ក្នុងមួយក្រាមរហូតដល់ថ្ងៃទី៣០ ខែមិថុនា។ តម្លៃថេរនេះ គឺទាបជាងតម្លៃទីផ្សារ ដោយមាសនៅលើទីផ្សារអន្តរជាតិមានតម្លៃប្រហែល ៦២ដុល្លារក្នុងមួយក្រាម។ វិធានការនេះត្រូវបានអនុវត្តដើម្បីគាំទ្រដល់រូបិយប័ណ្ណជាតិរបស់រុស្ស៊ី ដែលបានធ្លាក់ចុះយ៉ាងខ្លាំង បន្ទាប់ពីប្រទេសលោកខាងលិចមួយចំនួន រួមទាំងសហរដ្ឋអាមេរិក និងសហភាពអឺរ៉ុប បានដាក់ទណ្ឌកម្មសេដ្ឋកិច្ចលើទីក្រុងម៉ូស្គូ ជុំវិញប្រតិបត្តិការយោធារបស់ខ្លួននៅអ៊ុយក្រែន៕
